[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სასამართლო სისტემა / განცხადება

პანდემია და შესუსტებული კონსტიტუციური კონტროლი - საკონსტიტუციო სასამართლოს გადაწყვეტილების კრიტიკული შეფასება

საკონსტიტუციო სასამართლომ 2021 წლის 11 თებერვალს მიიღო გადაწყვეტილება პანდემიის დროს დაწესებული შეზღუდვების კონსტიტუციურობასთან დაკავშირებით. საკონსტიტუციო სასამართლომ უსაფუძვლოდ მიიჩნია მოსარჩელეთა არგუმენტები და არ დააკმაყოფილა მათი კონსტიტუციური სარჩელები. EMC კრიტიკულად აფასებს აღნიშნულ გადაწყვეტილებას და მიმოიხილავს იმ ძირითად პრობლემურ ასპექტებს, რომლებიც ჩვენი აზრით, ეწინააღმდეგება საქართველოს კონსტიტუციის ფუნდამენტურ პრინციპებს.

1. კონსტიტუციის ფუნდამენტურ პრინციპებთან წინააღმდეგობა

ქვეყანაში პანდემიის დაწყებისთანავე, პარლამენტმა საკუთარი ფუნქციები ფაქტობრივად სრულად გადაანდო მთავრობას და სწორედ მთავრობას აქვს უფლებამოსილება, მიიღოს გადაწყვეტილებები პირის უფლებების შეზღუდვის შესახებ, მაგალითად, დააწესოს შეზღუდვები მიმოსვლაზე, შეკრებაზე და ეკონომიკურ საქმიანობაზე. საკანონმდებლო ორგანო კი ამ პროცესს მთლიანად გამოეთიშა.

საკონსტიტუციო სასამართლომ უფლებამოსილების მთავრობაზე ასეთი გადანდობა კონსტიტუციურად მიიჩნია.

თუმცა, EMC-ს შეფასებით, პარლამენტსა და მთავრობას შორის უფლებამოსილებების ამგვარი გადანაწილება ეწინააღმდეგება ფუნდამენტურ კონსტიტუციურ პრინციპებს, კერძოდ:

  • ირღვევა დემოკრატიის პრინციპი, რომლის მოთხოვნაა, რომ სახელმწიფოში ფუნდამენტურ საკითხებზე გადაწყვეტილებები მიიღებოდეს ხალხის მიერ არჩეული უმაღლესი წარმომადგენლობითი ორგანოს - პარლამენტის მიერ, გამჭვირვალე და მონაწილეობითი პროცედურებით.
  • გარდა ამისა, ირღვევა ხელისუფლების დანაწილების პრინციპიც, რომლის მიხედვითაც, პარლამენტის კომპეტენციაა კანონის მიღება, ხოლო მთავრობის - მისი აღსრულება. მთავრობისთვის როგორც კანონშემოქმედებითი, ისე კანონის აღსრულების უფლებამოსილების მინიჭება გამოიწვევს ძალაუფლების კონცენტრაციას და თვითნებობის რისკებს.
  • ასევე, ირღვევა სამართლებრივი სახელმწიფოს პრინციპი, რომლის ერთ-ერთი მოთხოვნაა, რომ კანონით მკაფიოდ და არაორაზროვნად იყოს დადგენილი აღმასრულებელი ხელისუფლების მოქმედების ფარგლები, იმისთვის, რომ მთავრობას არ მიეცეს უფლების გადამეტებული შეზღუდვის შესაძლებლობა.

2.შეზღუდვების ინტენსივობის შეფასება

საკონსტიტუციო სასამართლომ მიიჩნია, რომ პანდემიის დროს შეზღუდვების დაწესება არის დროებითი და არ არის ისეთი ფუნდამენტური მნიშვნელობის საკითხი, რომელზეც პარლამენტმა უნდა მიიღოს გადაწყვეტილება. თუმცა, EMC-ს შეფასებით პანდემიის დროს შეზღუდვების დაწესება ფუნდამენტური მნიშვნელობის საკითხია, რომელზე გადაწყვეტილების მიღებაც პარლამენტის კომპეტენციაა, რადგან:

  • უფლებები მნიშვნელოვნად იზღუდება და იგი ვრცელდება საზოგადოებრივი ცხოვრების თითქმის ყველა სფეროზე და წარმოადგენს მაღალი პოლიტიკური და საზოგადოებრივი ინტერესის საგანს.
  • დაწესებული შეზღუდვები არის რეპრესიული, რადგან მათი დარღვევისთვის პირს ერთჯერადად შესაძლოა დაეკისროს მაღალი ჯარიმა 2000 ლარის ოდენობით, განმეორების შემთხვევაში კი 3 წლამდე თავისუფლების აღკვეთა.
  • დაუშვებელია უფლების გაუმართლებელი შეზღუდვა, თუნდაც დროებით. მით უმეტეს, რთულია პანდემიის გამო დაწესებულ შეზღუდვებს უწოდო დროებითი, როდესაც ისინი უკვე ერთი წელია გრძელდება და არ არ არის მოსალოდნელი მათი უმოკლეს დროში აღმოფხვრა.

3. სიტუაციის ექსტრაორდინალურობა

საკონსტიტუციო სასამართლომ მიიჩნია, რომ რადგან პანდემიის მდგომარეობა ექსტრაორდინალურია და სიტუაციაზე სწრაფად მორგება და სწრაფი გადაწყვეტილებების მიღებაა საჭირო, გამართლებულია შეზღუდვები დააწესოს მთავრობამ და არა პარლამენტმა, რადგან საპარლამენტო განხილვები უფრო მეტად დროში გაწელილი პროცესია.

EMC-ს შეფასებით, სიტუაციის ექსტრაორდინალურობა და ცვალებადობა ვერ გაამართლებს კონსტიტუციური გარანტიების დათმობას. როდესაც აშკარაა, რომ კრიზისული სიტუაცია მოითხოვს ისეთ სწრაფ რეაგირებას, რომ შეუძლებელია პარლამენტის მიერ გადაწყვეტილების მიღება, საქართველოს კონსტიტუცია ითვალისწინებს საგანგებო მდგომარეობის რეჟიმს, რომელშიც პრეზიდენტის მიერ გამოცემულ დეკრეტით ხდება უფლებების შეზღუდვა. ამ შემთხვევაშიც, კი, პარლამენტს რჩება პრეზიდენტის დეკრეტის დამტკიცების/უარყოფის შესაძლებლობა. მოცემულ შემთხვევაში კი, ქვეყანაში შეიქმნა დე ფაქტო საგანგებო მდგომარეობა, მისი ოფიციალურად გამოცხადებისა და შესაბამისი კონსტიტუციური გარანტიების გარეშე.

4. თავისუფლების უფლების ფარგლები

დღევანდელი მდგომარეობით, ადამიანს შესაძლოა დაეკისროს მისი ნების საწინააღმდეგოდ 12 დღიანი თვითიზოლაციის ან კარანტინის გავლა. საკონსტიტუციო სასამართლომ ეს შეზღუდვა მიიჩნია არა ადამიანის ფიზიკური თავისუფლების, არამედ მხოლოდ მიმოსვლის თავისუფლების უფლების შეზღუდვად. შესაბამისად, საკონსტიტუციო სასამართლოს აზრით, პირისათვის თვითიზოლაციის ან კარანტინის დავალდებულებას არ სჭირდება სასამართლო გადაწყვეტილება.

თუმცა, ჩვენი შეფასებით, პირის ნების საწინააღმდეგოდ მისი 12 დღიანი სავალდებულო იზოლაცია/კარანტინი ინტენსიურად ზღუდავს ადამიანის თავისუფლებას და საჭიროებს სასამართლო გადაწყვეტილებას, რადგან:

  • იზოლაცია/კარანტინი ითვალისწინებს პირის დახურულ სივრცეში ხანგრძლივი დროით მოთავსებას და ამ პერიოდში აფერხებს ან სრულად გამორიცხავს სხვა უფლებების (მაგალითად შრომის უფლება, შეკრების თავისუფლება, პირადი ცხოვრების უფლება) რეალიზაციის შესაძლებლობას;
  • იზოლაციის/კარანტინის პერიოდში პირი ექვემდებარება საზოგადოებრივი ჯანდაცვისა და შინაგან საქმეთა სამინისტროს ორგანოების ზედამხედველობას;
  • იზოლაციისა და კარანტინის პირობების დარღვევისათვის პირს ეკისრება მკაცრი ადმინისტრაციული და სისხლისსამართლებრივი სანქციები.

შეჯამება

ამ გადაწყვეტილებით, საქართველოს საკონსტიტუციო სასამართლომ ვერ შეასრულა კონსტიტუციის დამცველის როლი და ვერ უზრუნველყო პარლამენტსა და მთავრობას შორის კომპეტენციების დაბალანსების ეფექტური კონსტიტუციური კონტროლი.

EMC უახლოეს მომავალში აპირებს საკონსტიტუციო სასამართლოსთვის მიმართვას პანდემიის რეჟიმში დაწესებულ შეზღუდვებთან დაკავშირებულ კიდევ ერთ მწვავე საკითხზე, რომელიც უკავშირდება შეზღუდვების დარღვევისათვის გათვალისწინებულ მკაცრ სანქციებს. იმედი გვაქვს, რომ სასამართლო გაითვალისწინებს ამ მექანიზმის რეპრესიულობას და სათანადოდ შეაფასებს მისი კონსტიტუციურობის საკითხს.

  • ვიდეო შეგიძლიათ იხ. ბმულზე: https://bit.ly/3rzdgNQ

საკონსტიტუციო სასამართლოს 2021 წლის 11 თებერვლის გადაწყვეტილების კრიტიკული შეფასება სრულად შეგიძლიათ იხ. მიმაგრებულ ფაილში

11_თებევრლის_გადაწყვეტილების_შეფასება_1615273727.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“