[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

პოლიტიკა და ადამიანის უფლებები კონფლიქტის რეგიონებში / კვლევა

ორმხრივი გამოტოვების ადგილები - უფლებრივი და სოციალური გამოწვევები გალსა და ახალგორში

Library Thumbnail Image

გვერდების რაოდენობა:  89

გამოცემის წელი:  2022

მკვლევრები:  თეონა ფირანიშვილი

ორმხრივი_გამოტოვების_ადგილები_1681994215.pdf

კონფლიქტის რეგიონებში ადამიანის უფლებების სისტემური დარღვევის პრაქტიკებზე საუბრისას განსაკუთრებულ ყურადღებას საჭიროებს გალსა და ახალგორში მცხოვრები ადამიანების მდგომარეობა, რომლებიც საქართველოს ხელისუფლებისა და დე ფაქტო ადმინისტრაციების დისკრიმინაციული პოლიტიკის გამო, ორმხრივი უგულებელყოფის რეალობაში ცხოვრობენ. სამწუხაროდ, აფხაზეთსა და სამხრეთ ოსეთში/ცხინვალის რეგიონში ადამიანის უფლებათა მონიტორინგის და საერთაშორისო, ასევე სამოქალაქო აქტორების დაშვების შეზღუდვის პირობებში, ცოდნა ამ რეგიონებში არსებულ უფლებრივ მდგომარეობაზე სუსტია და ფრაგმენტული. ეს ცოდნა ძირითადად ეფუძნება სხვადასხვა დროს ჩატარებულ კვლევებს, მედიით გავრცელებულ მასალებს და ინფორმაციას, სახელმწიფო უწყებებში დაგროვილ მონაცემებს, თუმცა ფიზიკური დაშვების შეზღუდულობიდან გამომდინარე, ყველა ეს წყარო დამატებით საჭიროებს ხოლმე დადასტურებას.

კვლევის მიზანია საკუთარი წვლილი შეიტანოს ამ ცოდნის ვაკუუმის შევსებაში და კომპლექსურად აღწეროს გალსა და ახალგორში არსებული უფლებრივი და სოციალური მდგომარეობა. კვლევა მოიცავს ისეთ საკითხებს, როგორიც არის: რაიონების ინფრასტრუქტურული მდგომარეობა, ადგილობრივ დე ფაქტო სისტემაში მოსახლეობის სამართლებრივი სტატუსი და დოკუმენტაციასთან დაკავშირებული გამოწვევები, საქართველოს კონტროლირებად ტერიტორიაზე გადაადგილება და წვდომა აქ არსებულ სერვისებსა და პროგრამებზე; განათლების უფლება, ჯანდაცვის უფლება, პოლიტიკური მონაწილეობა და წარმომადგენლობა დე ფაქტო ადმინისტრაციის სისტემაში, ეკონომიკური მდგომარეობა და დასაქმება, საკუთრების უფლება, ქალთა უფლებრივი მდგომარეობა, უსაფრთხოება, სამოქალაქო საზოგადოება და საერთაშორისო ჩართულობა, გამოხატვის თავისუფლება, თემთაშორისი ურთიერთობები, წვდომა ინფორმაციაზე, კულტურული უფლებები და რელიგიის თავისუფლება.

ანგარიშში წარმოდგენილი ანალიზი ეფუძნება ადგილობრივი მკვლევრების მიერ მოწოდებულ ინფორმაციას, რაც მათ ადგილზე მოსახლეობასთან ინტერვიუებისა და გალის და ახალგორის რაიონის სოფლების მონახულების გზით მოიპოვეს, ასევე, არსებული კვლევების, ანგარიშების და საჯარო ინფორმაციის ანალიზს.

ანგარიშში წარმოდგენილი მასალების ანალიზი ცხადყოფს, რომ გაჭიანურებული კონფლიქტი მძიმედ აისახება აქ მცხოვრები ადამიანების ყოფაზე და მათი უფლებები განგრძობითად ირღვევა არაერთი მიმართულებით, როგორიც არის გადაადგილების თავისუფლება, გამოხატვის თავისუფლება, უსაფრთხოება, და სხვა ფუმდამენტური სამოქალაქო და პოლიტიკური უფლებები. გარდა ამისა, სისტემურად ირღვევა გალელების და ახალგორელების სოციალურ-ეკონომიკური უფლებები, მშობლიურ ენაზე განათლების მიღების უფლება, წვდომა ხარისხიან ჯანდაცვასა და სოციალურ სერვისებზე. ამ უფლებების შეზღუდვა, წლებია, არაღიარების, უგულებელყოფისა და შევიწროების ფორმებს იღებს, რაც ადგილობრივ ნაციონალიზმებსა და დე ფაქტო პოლიტიკურ სისტემებში ეთნიკური ქართველების ბუნდოვანი და წინააღმდეგობრივი აღქმებით და ადგილით არის განპირობებული. ახალგორისა და გალის მცხოვრებლები აქტიურად არიან ჩართულები საქართველოს სახელმწიფოს მიერ შეთავაზებულ სერვისებსა და პოლიტიკურ პროცესებში და მიმოსვლაზე პერიოდულად დაწესებული თვითნებური შეზღუდვები, ამ რეგიონებში მძიმე ჰუმანიტარული კრიზისების გამომწვევია. ეს ბუნდოვანობა და მოწყვლადობა უარყოფით გავლენას ახდენს ადგილობრივი მოსახლეობის სოციალურ მდგომარეობაზე და ახალი ტიპის კრიზისების და იმედგაცრუების მიზეზი ხდება. სუბიექტობისა და უფლებების არაღიარებისა და დარღვევის სისტემური პრაქტიკა, მძიმე სოციალურ-ეკონომიკურ ფონთან ერთად, ადგილობრივ მცხოვრებლებს ხშირად აიძულებს დატოვონ საცხოვრებელი სახლები და ფაქტობრივად დევნილობის მძიმე რეალობა მიიღონ. კვლევა აჩვენებს, რომ ორივე რეგიონში, განსაკუთრებით კი ახალგორში, წლიდან წლამდე მცირდება ადგილობრივ სკოლებსა და ბაღებში ბავშვების რაოდენობა.

გარდა ამისა, ადგილობრივ დე ფაქტო სისტემებში მიმდინარე რთული ბიუროკრატიული პროცესები, რომლებიც ხშირად ნეპოტიზმსა და კორუფციაზეა დაფუძნებული, კიდევ უფრო ამძიმებს მოსახლეობის ისედაც რთულ ყოფას და მათ თვითნებური მმართველობისა და მოპყრობის პრაქტიკების წინაშე აყენებს.

გალის და ახალგორის მცხოვრებლები ერთხმად აღნიშნავენ, რომ დე ფაქტო ადმინისტრაციები არ ხედავენ მათ ინტერესებსა და საჭიროებებს. მაგრამ ეს წუხილები ასევე უხილავია საქართველოს დე იურე ხელისუფლებისთვისაც. ცენტრალური ხელისუფლების მხრიდან ისინი ვერ ხედავენ სპეციალურად მათზე ორიენტირებულ პროექტებს და ინიციატივებს, რაც საქართველოს მოქალაქის სტატუსს მიღმა, სახელმწიფოს მხრიდან დამატებით პოზიტიურ ღონისძიებებსა და მიდგომებში გამოიხატებოდა. დღეს გალისა და ახალგორის მოსახლეობაზე არაერთი პოლიტიკის მიმართულებით (მცირე გამონაკლისის გარდა), ვრცელდება იგივე პროგრამები, რაც საქართველოს დანარჩენ მოქალაქეებზე და სახელმწიფო სათანადოდ ვერ აღიქვამს ოკუპაციასა და არაღიარებასთან დაკავშირებულ მრავალშრიან გამოწვევებს. დე ფაქტო სისტემებში ეთნიკური ქართველების მძიმე რეალობა საკმარისად კომპენსირებული და დაცული არ არის საქართველოს ხელისუფლების პოლიტიკებში, რაც მათ თბილისის მხრიდან მიტოვებულობის განცდას უჩენს. ადგილობრივი მოსახლეობა ამბობს, რომ საქართველოს ხელისუფლების მიერ კონფლიქტების ტრანსფორმაციის პროცესშიც, მათი როლი სუსტად არიან დანახული, რაც ისევ მათი აღიარების პრობლემას უკავშირდება.

ანგარიშის დასასრულს წარმოდგენილია რეკომენდაციები როგორც საქართველოს ხელისუფლების, ისე საერთაშორისო აქტორების მიმართ იმ ზომების შესახებ, რაც საჭიროა რომ მიიღონ გალში და ახალგორში არსებული მძიმე უფლებრივი და სოციალური მდგომარეობის გასაუმჯობესებლად.

ორმხრივი_გამოტოვების_ადგილები_1681994215.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“