[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სხვა / განცხადება

გილოცავთ საქართველოს დამოუკიდებლობის დღეს!

დამოუკიდებლობა, ჩვენი ქვეყნის ისტორიულ კონტექსტში, იმპერიებისგან თავის დაღწევის, საკუთარი ბედისა თუ მომავლის ჩვენივე ძალებით შენების სურვილს, რწმენას და ძალას აჩვენებდა.

დამოუკიდებლობა ხალხის უფლებაა, ჰქონდეს სუვერენული სახელმწიფო, რომელიც დემოკრატიული შეთანხმებებით ახერხებს საკუთარი უსაფრთხოების, განვითარების და კეთილდღეობის პირობების შექმნას.

დამოუკიდებლობის შემდეგ ქართველმა ხალხმა უმძიმესი გამოცდილებები მიიღო:

ეკონომიკური კოლაფსი და მისგან მომდინარე სოციალური კრიზისი;

რუსეთის მიერ მხარდაჭერილიშეირაღებული კონფლიქტები აფხაზეთსა და ცხინვალის რეგიონში, რასაც ქართველების მასობრივი დევნილობა და საზოგადოებების დაყოფა მოჰყვა;

2008 წლის ომი, ოკუპაცია და უმძიმესი ადამიანური დანაკარგები;

რესურსების მასობრივი პრივატიზაცია და განკერძოება და მისგან მომდინარე გაჭიანურებული სიღარიბე თუ ეკონომიკური უთანასწორობა;

პოლიტიკური განვითარების დრამატული ეტაპები, რომელიც ხშირად ავტორიტარიზმისა და მასობრივი რეპრესიის ფორმას იღებდა.

ამის მიუხედავად, ქართველი ხალხი ჯიუტად და გამბედავად იცავდა მის სუვერენიტეტს და დამოუკიდებლობას. რუსეთის მხრიდან მომდინარე მრავალმხრივი და მზარდი საფრთხეებისა ფონზე, საქართველოს სახელმწიფო საერთაშორისო და ევროპულ ინსტიტუტებში ინტეგრაციას და ამ გზით მისი დამანგრეველი გავლენების შეკავებას ცდილობდა. პოსტ-საბჭოთა სივრცეში საქართველო ერთ-ერთი პირველი ქვეყანა იყო, რომელმაც დემოკრატიული და ევროპული განვითარების გზა მის გეოპოლიტიკურ ამოცანად დაისახა და ამ გზით ის რუსული გავლენების ნაცრისფერი ზონიდან გასვლას ცდილობდა.

მიუხედავად იმისა, რომ მდგრადი დემოკრატიული განვითარებისთვის ქვეყანას არ მიუღწევია და წინა ხელისუფლების რეფორმებს მასობრივი უფლების დარღვევის პრაქტიკა, ეკონომიკური უთანასწორობის გაღრმავება და სახელმწიფო ინსტიტუტებისა და საჯარო სივრცეების ტოტალური კონტროლი მოჰყვა, ევროპული ინტეგრაცია ქართველი ხალხის სტრატეგიულ ამოცანად რჩებოდა.

ეს ამოცანა ქართული ოცნების ხელისუფლებაში მოსვლის შემდეგადაც რჩებოდა ეროვნულ მიზნად. სახელმწიფო ინსტიტუტებმა მნიშვნელოვან პროგრესს მიაღწიეს ვიზა ლიბერალიზაციისა და ასოცირების ხელშეკრულების შესრულების პროცესშიც. თუმცა ბოლო წლებში, როცა ქართული ოცნების ხელისუფლებამ დაკარგა კოალიციური ბუნება და ჰომოგენურ პოლიტიკურ ძალად იქცა, და განსაკუთრებით უკრაინაში ომის დაწყების შემდეგ, როდესაც გაიზარდა საფრთხეების აღქმა რეგიონში და გაიზარდა რუსეთის ინტერესიც გაზარდოს კონტროლი დანარჩენ პოსტ-საბჭოთა სივრცეზე, საქართველოს ხელისუფლებამ დაიწყო თვალშისაცემი უკანდახევა ევროპული ინტეგრაციის გზაზე. ხელისუფლების მკვეთრად ანტიდასავლური განცხადებები და ინიციატივები, ევროკავშირის რეკომენდაციების შესრულების სუსტი მაჩვენებლები, რუსეთან ურთიერთობაში გაჩენილი დათბობის ნიშნები, სუსტი დიპლომატიური მუშაობა ევროპულ სახელმწიფოებთან - ევროკავშირთან დაახლოების ისტორიული ამოცანისა და შესაძლებლობის დემონსტრაციულ დაზიანებას უფრო გავს.

ქართული ოცნების ხელისუფლება ერთის მხრივ, ევროინტეგრაციის კონტექსტში უსაფუძვლოდ სუვერენიტეტის დაცვაზე აპელირებს ხოლმე და მეორე მხრივ, რუსეთთან მკაფიო მორალური, ეკონომიკური და პოლიტიკური საზვღების გავლებისგან თავს იკავებს არგაღიზიანების არგუმენტით. ეს მაშინ, როდესაც რუსეთზე ჩვენზე დამოკიდებული სახელმწიფოები ახერხებენ უკრაინის ომის ფონზე შექმნილი ახალი გლობალური წესრიგისა და შესაძლებლობების გამოყენებას და რუსეთის გავლენებისგან თავის დაღწევას. სუვერენიტეტის და ღირსების საკითხები ქართული ოცნების ლიდერებს რატომღაც არ ახსენდებათ რუსეთზე მსჯელობის დროს, მიუხედავად იმისა, რომ რუსეთის გაცხადებული გეოპოლიტიკა საფუძველშივე გამორიცხავს მცირე სახელმწიფოების სუვერენულ თანასწორობას, ევროკავშირის გეოპოლიტიკა კი დემონსტრაციულ უარს ამბობს მოგებისა და წაგების ლოგიკაზე და ნორმატიულ პრინციპებზე დგას.

შემაშფოთებელია ბოლო პერიოდში ქართული ოცნების ლიდერების მიერ გაკეთებული განცხადებები ევროპული ინტეგრაციის საპირწონედ ტერიტორიული მთლიანობის აღდგენის შესაძლებლობის საკითხზეც. რუსეთთან დაახლოებით კონფლიქტების მოგვარება არსდროს ყოფილა რეალური. იმ პერიოდებშიც კი, როცა ადგილობრივ ელიტებთან შეთანხმებების მიღწების უფრო მაღალი ალბათობა არსებობდა და გაუცხოებისა და იზოლაციის კონტექსტი ასეთი მძიმე არ იყო.

ცხადია, რომ ამ უკანდახევას და შემობრუნებას არ აქვს მხოლოდ გეოპოლიტიკური მნიშვნელობა. უკანდახევა ჩანს დემოკრატიული განვითარების მიმართულებითაც. ქართული ოცნების ხელისუფლება აღრმავებს პოლიტიკურ პოლარიზაციას და მის ოპონენტებს მტრებად მონიშნავს, ინსტიტუტიური ძალაუფლების კონსოლიდაციამ ხელისუფლების ყველა შტოში და ჭარბმა კონტროლმა უკვე უკიდურესად მძიმე ფორმები მიიღო, გაჩერებულია რეფორმის ყველა სივრცე, სამოქალაქო საზოგადოებისთვის დაიხურა თანამშრომლობისა და დიალოგის სივრცეები. ამის პარალელურად ჩანს პოპულისტური რიტორიკისკენ შემობრუნება, რომელიც უმრავლესობის ლოგიკაზე დგას და ცალკეული სოცილაური ჯფუფების მარგინალიზებას და დემოკრატიული ღირებულებების ეროზიას იწვევს.

დღეს ჩვენ გვაქვს რეალობა, როცა ერთი მხრივ, საზოგადოება თვითორგანიზდება მისი დემოკრატიული და ევროპული მომავლის გადასარჩენად, და მეორე მხრივ, ხელისუფლება, რომელიც დემონსტრაციულ ანტიევროპულ სულისკვეთებას ავლენს. ამგვარი კონფლიქტი ხალხსა და ხელისუფლებას შორის სუვერენიტეტისა და საგარეო პოლიტიკური საკითხებზე ჩვენს უახლოეს ისტორიაში არასდროს დამდგარა.

ამ კრიზისიდან გამოსავალი მხოლოდ ჩვენშია. ჩვენ, ხალხმა თავად უნდა დავიცვათ საკუთარი სუვერენიტეტი, დამოუკიდებლობა და დემოკრატიული მომავალი და ნდობის შენებით, შეთანხმებების მიღწევით და მშვიდობიანი თვითორგანიზებით ყველგან - სკოლებში, უნივერსიტეტებში, დასაქმების ადგილებში, თვითმმართველობებში, სოფლად და ქალაქად ხელისუფლება ჩავაყენოთ ანგარიშვალდებულების მდგომარეობაში არ დაუშვას ჩვენი ქვეყნის დამოუკიდებლობის დაზიანება, ევროპული მომავლისგან გადახვევა და დემოკრატიული უკუსვლა.

გილოცავთ საქართველოს დამოუკიდებლობის დღეს!

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“