[Skip to Content]
ENG
ENG

სიახლეების გამოწერა

კრიტიკული პოლიტიკის პლატფორმა

                                                      

სოციალური სამართლიანობის ცენტრი აცხადებს მიღებას კრიტიკული პოლიტიკის პლატფორმის წევრების შესარჩევად. მონაწილეობის მიღება შეუძლიათ ახალგაზრდა აქტივისტებს და მკვლევრებს, რომლებსაც სურთ გაიღრმავონ ცოდნა ეკონომიკური, პოლიტიკური და კულტურული წესრიგის შესახებ, იფიქრონ უფრო სამართლიანი, ინკლუზიური და თანასწორი საზოგადოების შექმნის გზებზე და ჩაერთონ აქტივიზმში.

კონცეფცია

კრიტიკული პოლიტიკის პლატფორმა სოციალური სამართლიანობის ცენტრის მიერ ორგანიზებული აკადემიური და პოლიტიკური პლატფორმაა, რომელიც მიზნად ისახავს სოციალური სამართლიანობით, არსებული ეკონომიკური წესრიგის ანალიზით, ეკოლოგიით, ქვიარ და ფემინისტური პოლიტიკით დაინტერესებული ახალგაზრდა აქტივისტებისა და მკვლევარებისთვის კრიტიკული თეორიული ცოდნის გაღრმავებისა და კოლექტიური მსჯელობის სივრცის შექმნას. პლატფორმის ფოკუსს ასევე წარმოადგენს  მონაწილეების ურთიერთგაძლიერების, შეკავშირებისა და საერთო მოქმედების გზების ძიება.

კრიტიკული პოლიტიკის პლატფორმა საშუალებას მისცემს მონაწილეებს იფიქრონ და იმსჯელონ გლობალური და ადგილობრივი პოლიტიკური მდგომარეობის კონტექსტუალიზებაზე, სოციალური, ეკონომიკური და კულტურული კრიზისების გამომწვევ მიზეზებზე, გამოავლინონ და მოიხელთონ ძალაუფლების სხვადასხვა ღერძი და მჩაგვრელობითი წყარო, ეძიონ მჩაგვრელობით სისტემებთან შეწინააღმდეგების ხერხები. აქტივიზმის ადგილობრივი პრაქტიკები ხშირად ვერ ახერხებს ავთენტური, ინკლუზიური და სამართლიანი დღის წესრიგის შექმნას, რომელიც ადგილობრივ კონტექსტს და რეალურ საჭიროებებს დაეფუძნება. პლატფორმა მიზნად ისახავს ამ ხარვეზის შევსებას და ახალი ტიპის კრიტიკისა და მოქმედებების გაჩენის ხელშეწყობას.

კრიტიკული პოლიტიკის პლატფორმა

პლატფორმის ფარგლებში, წინასწარ მომზადებული სილაბუსის საფუძველზე, ჩატარდება 20 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომლებსაც გაუძღვებიან შესაბამისი გამოცდილების მქონე პირები აკადემიური სივრციდან და აქტივისტური წრეებიდან. პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე.

ფორმატი:

  • თეორიული ლექცია/დისკუსია
  • შერჩეული წიგნის/სტატიის კითხვის წრე
  • პრაქტიკული სემინარები (მობილიზაცია, ორგანიზება, მეთოდები და ინსტრუმენტები)

ტექნიკური დეტალები:

  • მონაწილეთა მაქსიმალური რაოდენობა: 15-20
    ლექციების რაოდენობა: 20 (თვეში 4)
    სალექციო დროის ხანგრძლივობა:  2 საათი
    ლექციათა ციკლის ხანგრძლივობა: 5 თვე (სექტემბერი-იანვარი)
    ლექციების ჩატარების ძირითადი ადგილი: შერეული (ეპიდემიოლოგიური მდგომარეობის გათვალისწინებით)

მონაწილეთა შერჩევა:

პლატფორმაში მონაწილეობის მსურველებმა უნდა შეავსონ სააპლიკაციო ფორმა 

სკოლაში მონაწილეობის შესაძლებლობა ექნებათ უმაღლესი განათლების მქონე (ან დამასრულებელ კურსზე მყოფ) 21 წლიდან 35 წლამდე ასაკის სტუდენტებს, ახალგაზრდა აქტივისტებსა და მკვლევრებს. პლატფორმის მონაწილეები უნდა დაესწრონ სალექციო საათების სულ მცირე 80%-ს.

კრიტიკული პოლიტიკის პლატფორმაში მონაწილეობის მისაღებად შევსებული სააპლიკაციო ფორმის გამოგზავნის ბოლო ვადაა 2021 წლის 16 სექტემბერი

სააპლიკაციო ფორმა გამოგზავნეთ შემდეგ მისამართზე:  [email protected] 

  • გთხოვთ, იმეილის subject ველში მიუთითოთ „კრიტიკული პოლიტიკის პლატფორმა“.

სოციალური სამართლიანობის ცენტრი დაუკავშირდება მხოლოდ შერჩეულ კანდიდატებს, რომლებიც გაივლიან კონკურსის შემდეგ ეტაპებს.

დამატებითი ინფორმაციისთვის ან კითხვების არსებობის შემთხვევაში შეგიძლიათ მოგვმართოთ:

კრიტიკული პოლიტიკის პლატფორმის ორგანიზება ხორციელდება სქესობრივი განათლების შვედური ასოციაციის (RFSU) ფინანსური მხარდაჭერით.

პოლიტიკა და ადამიანის უფლებები კონფლიქტის რეგიონებში / თარგმანი

დე ფაქტო ქვეყნების უჩვეულო გამძლეობა აფხაზეთი, დნესტრისპირეთი, ჩრდილოეთ კვიპროსი - თომას დე ვაალის სტატიების მიმოხილვა

მიმოხილვის ავტორი: კონსტანტინე ჩაჩიბაია

ცნობილი ბრიტანელი ჟურნალისტი და მკვლევარი თომას დე ვაალი პუბლიკაციაში „გაურკვეველი საფუძვლები“ (Uncertain Grounds) ცდილობს, შეისწავლოს უჩვეულო გამძლეობით გამორჩეულ დე ფაქტო სახელმწიფოებს შორის არსებული განსხვავებები და მსგავსებები. ამ ტერიტორიებზე წარმოშობილი კონფლიქტების დინამიკის განხილვის ფონზე, დე ვაალი მსჯელობს კონფლიქტების მოგვარებაში ევროკავშირის ჩართულობაზე, აანალიზებს ამ ჩართულობის პროცესში დაშვებულ შეცდომებს და მომავლის შესაძლებლობებს.

დე ვაალის ტექსტის მოკლე მიმოხილვის მომზადების მიზანია, კონფლიქტების გეოპოლიტიკურ წახნაგებთან ერთად, ქართველ მკითხველს გავაცნოთ აფხაზეთში, დნესტრისპირეთში და ჩრდილოეთ კვიპროსში საზოგადოებების განწყობები, კონფლიქტის ტრანსფორმაციის სხვადასხვა გამოცდილება და საერთაშორისო ჩართულობის განსხვავებული მოდელები.

თომას დე ვაალი „კარნეგი ევროპის“ წამყვანი მკვლევარია და აღმოსავლეთ ევროპასა და კავკასიის რეგიონს შეისწავლის. მას კავკასიასთან, შავი ზღვის რეგიონსა და რუსეთთან ხანგრძლივი ჟურნალისტური და სამწერლო საქმიანობა აკავშირებს და იგი ამ რეგიონების შესახებ დაწერილი არაერთი წიგნის ავტორია.

დე ვაალის ზემოხსენებული პუბლიკაციის სრული ვერსია ინგლისურ ენაზე შეგიძლიათ იხილოთ აქ. პუბლიკაციის შესავალი ნაწილი და აფხაზეთის შესახებ თავის სრული თარგმანი ქართულ ენაზე კი ხელმისაწვდომია აქ. ქვემოთ მოცემული ტექსტი წარმოადგენს დე ვაალის პუბლიკაციიდან აფხაზეთის, დნესტრისპირეთის და ჩრდილოეთ კვიპროსის შესახებ თავების შემოკლებულ მიმოხილვას.

დოკუმენტი სრულად შეგიძლიათ იხ. მიმაგრებულ ფაილში

თომას_დე_ვაალის_სტატიების_მიმოხილვა_1625747844.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“