[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სხვა / განცხადება

11 წელი აგვისტოს ომიდან

ფოტო: Wojciech Grzedzinski. ცხინვალიდან დევნილები მიდიან თბილისში. 13.08.2008.

2008 წლის აგვისტოს ომიდან 11 წელი გავიდა. თუმცა, ომთან და მის მძიმე პოლიტიკურ, სოციალურ და უფლებრივ შედეგებთან დაკავშირებით არსებითად არაფერი შეცვლილა. რუსეთი კვლავ არ ასრულებს მის მიერ საერთაშორისოდ აღიარებულ ვალდებულებებს და ოკუპირებულ ტერიტორიებზე სამხედრო, პოლიტიკურ და ეკონომიკურ გავლენებს აძლიერებს. საქართველოს დანარჩენ რეგიონებთან ოკუპირებული რეგიონების საზღვრების უკანონო მონიშვნის, გაფორმების პროცესი (ე.წ. ბორდერიზაცია) უწყვეტად გრძელდება და ის აშკარად თვითნებურ და უკონტროლო ხასიათს ატარებს. ოკუპირებულ ტერიტორიებზე არ არის დაშვებული საერთაშორისო უსაფრთხოების მექანიზმები და იქ არსებული მდგომარეობა არც საერთაშორისო მონიტორინგის ქვეშ ექცევა. ამგვარი იზოლაცია თავისმხრივ, უფრო მძიმე დაღს ასვამს ადგილზე უფლებრივ მდგომარეობას, ქმნის ინფორმაციულ ვაკუუმს და ართულებს უფლების დაცვისთვის საჭირო ქმედითი ზომების მიღებას.

ომის შედეგად დევნილი მოსახლეობის დაბრუნების საკითხი არც კი დგას დღის წესრიგში. ისინი მძიმე სოციალურ პირობებში და უიმედობაში აგრძელებენ ცხოვრებას. დევნილობასთან დაკავშირებული გარიყულობა, დაუცველობა და სტიგმა მათი ყოველდღიურობის ნაწილია. ოკუპირებულ ტერიტორიებზე მცხოვრები ადამიანების უფლებრივი და სოციალური მდგომარეობა რთულია. ადგილობრივი de facto ხელისუფლებები ვერ ახერხებენ ვერც დემოკრატიული და ადამიანის უფლებებზე დაფუძნებული პოლიტიკის წარმართვას და ვერც ავტონომიური დღის წესრიგის შექმნას. სიღარიბე, კორუფცია, კრიმინალი იქ მცხოვრები ადამიანების ყოველდღიურობის ნაწილია. ოკუპირებულ ტერიტორიებზე განსაკუთრებით რთულ მდგომარეობაში ცხოვრება უწევთ ეთნიკურ ქართველებს (ძირითადად, გალისა და ახალგორის რაიონებში მცხოვრებ ადამიანებს და ოჯახებს), სადაც ისინი აშკარად გამოხატული დისკრიმინაციული პოლიტიკის და დევნის მსხვერპლები არიან. რთულია საზღვრისპირა რეგიონებში მცხოვრები ადამიანების ყოფაც. ისინი მაღალი რისკის უსაფრთხოების ზონაში ცხოვრობენ და ხშირად ხდებიან თვითნებური დაკავების, გადაადგილების თავისუფლების, საკუთრების და ბუნებრივ რესურსებზე (საძოვრები, ტყე, წყალი) წვდომის შეზღუდვის მსხვერპლები. ბოლო წლებში რუსეთის სამხედროების მონაწილეობით და მხარდაჭერით, სიცოცხლის ხელყოფის უმძიმესი შემთხვევებიც დაფიქსირდა.

რუსეთის ოკუპაცია დღეს წართმეული მიწების და რესურსების, დევნილების, მძიმე მსხვერპლის და მარცხის ტრამვის გარდა, ნიშნავს იმასაც, რომ ქვეყანა ვერ ქმნის დამოუკიდებელ, ეროვნულ პოლიტიკური დღის წესრიგს . რუსეთის სამხედრო ყოფნა საქართველოს ტერიტორიაზე მის მიერ ჩვენს პოლიტიკაზე გავლენის მოხდენის და სპეკულირების პირდაპირ იარაღია. ეს მდგომარეობა საქართველოს მუდმივად აქცევს გეოპოლიტიკური ძალების ინტერესების გადაკვეთის ადგილად და ხელს უწყობს მისი მომავლის სხვებზე დამოკიდებულებას.

ცხადია, რომ საქართველოში არსებული შიდა პოლიტიკური პროცესები ასევე ახდენს გავლენას კონფლიქტების დინამიკაზე. ჩვენი დემოკრატიის მარცხი, სიღარიბე და ეკონომიკური უთანასწორობა, ადამიანის უფლებების მდგომარეობის გაურესება, სუსტი ინტეგრაციის პოლიტიკა საქართველოს ოკუპირებულ ტერიტორიებზე გავლენის მოხდენის ისტორიულ შესაძლებლობას და პოზიტიური ალტერნტივების შეთავაზების რესურსს გვართმევს. არ ჩანს, რომ ხელისუფლებები ეროვნული პოლიტიკის დაგეგმვის და განხორციელების დროს ამ მნიშვნელობას და ინტერესს სათანადოდ იაზრებენ.

აფხაზეთის და ცხინვალის რეგიონების საკითხი გაბატონებულ ხედვაში უფრო „დაკარგული ტერიტორიებია“, ვიდრე ოკუპირებული საზღვრის იქით და აქეთ მცხოვრები ადამიანების უფლებების, სამართლიანობის, ჰუმანიზმისა და კოლექტიური მეხსიერების საკითხი. ნაკლები ყურადღება ეთმობა კონფლიქტების ისტორიის კრიტიკული გააზრების, ნდობის აღდგენის, სახალხო დიალოგის და რეგიონების სოციალური ტრანსფორმაციის აუცილებლობას. ამ საკითხებზე მსჯელობა არსებითად დეჰუმანიზებულია და სრულად აქვს დაკარგული სოციალური და ადგილობრივი შინაარსი. ეს თემები ასევე ნაკლებად არის კვლევის და აკადემიური მუშაობის საგანი. ზედაპირული გეოპოლიტიკური და ანტისაოკუპაციო სენტიმენტები ახშობს ამ საკითხებზე საფუძვლიანი, ისტორიული და დიალოგის წამახალისებელი განხილვის შესაძლებლობას.

ამ პირობებში მიგვაჩნია, რომ არსებითია

  • საქართველოს ხელისუფლებამ კონფლიქტის რეგიონებთან დაკავშირებით მისი პოლიტიკის პრიორიტეტიზაცია მოახდინოს და გააძლიეროს საერთაშორისო და დოპლომატიური მუშაობა ოკუპირებულ რეგიონებში საერთაშორისო უსაფრთხოების და მონიტორინგის მექანიზმების ამოქმედების მიზნით;
  • საქართველოს მთავრობამ უზრუნველყოს ქმედითი ალტერნატიული პოზიტიური პოლიტიკის ამუშავება, რომელიც კონფლიქტის მხარეებს შორის ნდობის აღდგენის, დიალოგის მიზანზე იქნება ორიენტირებული და ამ პოლიტიკაში არსებითად გააძლიერებს სოციალური პოლიტიკის და ადამიანის უფლებების ასპექტებს.
  • საერთაშორისო ორგანიზაციების მხრიდან საქართველოს ტერიტორიული მთლიანობის აღიარების და მხარდაჭერის პარალელურად, საკვანძოდ მნიშვნელოვანია, მათი ძალისხმევის გაძლიერება ოკუპირებულ რეგიონებში უსაფრთხოების და მონიტორინგის საერთაშორისო მექანიზმების ამუშავების მიზნით;
  • პოლიტიკის აქტორებმა, საზოგადოებრივმა ორგანიზაციებმა, მედიამ, აკადემიურმა წრეებმა გაიაზრონ საკუთარი სამოქალაქო პასუხისმგებლობა ომის და კონფლიქტის საკითხებთან დაკავშირებით და საჯარო დისკუსიაში გააძლიერონ ისტორიული, სოციალური და დიალოგზე დაფუძნებული მიდგომები. ნდობის, მშვიდობის და დიალოგის მშენებლობას ალტერნატივა არ აქვს.

EMC კიდევ ერთხელ უცხადებს თანადგომას და სოლიდარობას ომის მსხვერპლებს და დაზარალებულებს და იზიარებს მის წილ პასუხისმგებლობას ამ საკითხებზე საფუძვლიანი, სოციალური ჯგუფების რეალურ საჭიროებებზე და ინტერსებზე ორიენტირებული ადგილობრივი პოლიტიკის შექმნაში.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“