1 წელი მარტის საპროტესტო აქციებიდან

პარლამენტში ინიცირებული ,,უცხოური გავლენების გამჭვირვალობის შესახებ” კანონის საწინააღმდეგო მასშტაბური საპროტესტო აქციებიდან 1 წელი გავიდა.

მარტში მიმდინარე მოვლენებმა ხელისუფლების ანტიდასავლური და კრიტიკული აზრის ჩახშობისკენ მიმართული პოლიტიკა კიდევ ერთხელ გამოაშკარავა. ქართულმა ოცნებამ, ერთი მხრივ, ქვეყნისთვის გადამწყვეტ პერიოდში საქართველოს ევროატლანტიკური მომავლისთვის ხელისშემშლელ ინიციატივას დაუჭირა მხარი. მეორე მხრივ, კი ძალადობრივი მეთოდებითა და არაპროპორციული საშუალებებით დაარბია მშვიდობიანი საპროტესტო აქციები.

ჩვენ 2023 წლის მარტის აქციებზე მიმდინარე მოვლენები შევაჯამეთ და გავაანალიზეთ შსს-ს არგუმენტები შეკრებისა და გამოხატვის თავისუფლების შეზღუდვის პროპორციულობასთან დაკავშირებით.