საერთო ცხელი ხაზი +995 577 07 05 63
სოციალური პოლიტიკა / ღონისძიებები
შეხვედრა ჟურნალისტებთან
13ნოე
13 ოქტომბერს, EMC-ის ორგანიზებით, გაიმართა სამუშაო შეხვედრა ჟურნალისტებთან თემაზე: "ფსიქოსოციალური და ინტელექტუალური ნიშნით შშმ პირების უფლებრივი მდგომარეობა საქართველოში".
ღონისძიების ფარგლებში, მონაწილეებმა განიხილეს ის საკითხები, რომელთა გადაწყვეტაც ქვეყანაში პრიორიტეტულად უნდა მიიჩნეოდეს. დისკუსია შედგა თემებზე: შშმ პირთა ინსტიტუციონალიზაციის პრაქტიკა, ქმედუნარიანობის რეფორმის განხორციელების ბარიერები, ასევე, ის ზოგადი გამოწვევები, რომელთა წინაშეც შშმ პირები ყოველდღიურად დგანან.
EMC-სთან ერთად, მოხსენებები გააკეთეს შემდეგი ორგანიზაციების წარმომადგენლებმა: პარტნიორობა ადამიანის უფლებებისთვის, საქართველოს სოციალურ მუშაკთა ასოციაცია, გლობალური ინიციატივა ფსიქიატრიაში - თბილისი, ასევე ექსპერტებმა - ოლღა კალინამ, ლია ტაბატაძემ და ნანა ზავრადაშვილმა.
შეხვედრა გაიმართა ღია საზოგადოების ფონდების (OSF) მიერ მხარდაჭერილი პროექტის - "ქმედუნარიანობის ინსტიტუტის დანერგვის ხელშეწყობა საქართველოში" - ფარგლებში.
