საერთო ცხელი ხაზი +995 577 07 05 63
სოციალური პოლიტიკა / ღონისძიებები
EMC-ის და საიას ერთობლივი პრესკონფერენცია შრომის რეფორმაზე
22ივნ
22 ივნისს, 10:30 საათზე, ადამიანის უფლებების სწავლებისა და მონიტორინგის ცენტრმა და საქართველო ახალგაზრდა იურისტთა ასოციაციამ ერთობლივი პრესკონფერენცია გამართეს, რომელზეც შრომის კანონმდებლობაში შესატან ცვლილებებზე ისაუბრეს.
პარლამენტში ინიცირებული კანონპროექტთა პაკეტი ითვალისწინებს მნიშვნელოვან დებულებებს, ევროდირექტივებითა და შრომის საერთაშორისო ორგანიზაციის კონვენციებით დაწესებულ სტანდარტებს, რომელთა კანონმდებლობაში ასახვა და რეგულირება დასაქმებულთა უფლებების გაძლიერებასა და მათ პრაქტიკაში რეალიზებას არსებითად შეუწყობს ხელს. თუმცა, ამავე დროს, რიგი საკითხების სუსტი რეგულირება თუ გაუთვალისწინებლობა პაკეტის მნიშვნელოვან ნაკლად რჩება. მოვუწოდებთ პარლამენტს, მხარი დაუჭიროს მშრომელების გაძლიერებისთვის მნიშვნელოვანი გარანტიების კანონმდებლობაში ასახვასა და აღსრულების მექანიზმების გაძლიერებას.
