მიმდინარე წლის 18-20 ნოემბერს EMC ორგანიზებით გაიმართა დისკუსიების ციკლი თემაზე: „რელიგია და მისი სოციალური განზომილებები - ხელახალი წაკითხვის მცდელობა“.

დისკუსიის მიზანი იყო სასულიერო პირებსა და სამოქალაქო ჯგუფებს შორის უშუალო დიალოგისა და ფიქრის წახალისება თანამედროვეობაში რელიგიის საჯარო, სოციალურ როლზე და ამ დისკუსიის უშუალოდ ქართულ რეალობაში კონცეპტუალიზება. დისკუსია მეტწილად მართლმადიდებელი ეკლესიის სასულიერო პირებისთვის და რელიგიის და პოლიტიკის საკითხებზე მომუშავე მკვლევარებისთვის იყო გათვალისწინებული.

დისკუსიების საპატიო სტუმარი და მომხსენებელი იყო ზურა ჯაში, რომელიც მიუნსტერის მართლმადიდებლური თეოლოგიური ფაკულტეტის დოქტორანტია. შეხვედრების ფარგლებში მან მოხსენებები წაიკითხა შემდეგ თემებზე:

• „სოციალური სამართლიანობის იდეა და მოღვაწეობა ადრეული ხანისა და თანამედროვე მართლმადიდებელ ეკლესიებში“
• „პიროვნების თავისუფლების გაგება ადრექრისტიანულ ღვთისმეტყველებაში“
• „მოდერნულობა და საეკლესიო ტრადიცია“

შეხვედრის ფარგლებში საინტერესო მოხსენებები წაიკითხეს სხვა მომხსენებლებმაც, მათ შორის:

• მამა გიორგი წეროძე, თემაზე: პიროვნულობის თეოლოგია
• შოთა კინწურაშვილი, თემაზე: დასავლეთის ეკლესიის სოციალურ სწავლების განვითარებაზე თუ გათავისუფლების თეოლოგიაზე
• გიორგი ხასაია, თემაზე: ნუგეშის წარმოება და მისი შედეგები - ქართული მართმალდიდებელი ეკლესიის კრიზისის შესახებ
• ქეთი რჩეულიშვილი, თემაზე: მართლმადიდებლური ღვთისმეტყველბა და დასავლური სოციალური თეორია და ლუკა ნახუცრიშვილი, თემაზე: რელიგია მოდერნულობის ფარგლებში.

თანამედროვე ქართული სინამდვილის რამდენიმე ასპექტის შესახებ. დისკუსიებში მონაწილეობისთვის და საინტერესო დისკუსიებისთვის EMC მადლიერებას გამოხატავს მართლმადიდებელი ეკლესიის სასულიერო პირების მიმართ. EMC განსაკუთრებულ მადლობას უხდის ამ ღონისძიების მხარდამჭერ სასულიერო პირებს, მამა გიორგი წეროძეს და დედა სიდონიას.

შეხვედრა გაიმართა ნიდერლანდების საელჩოს მიერ მხარდაჭერილი პროექტის ფარგლებში.