[Skip to Content]
ENG

სიახლეების გამოწერა

სოფლის თავყრილობა ითხვისში

თუ ცხოვრობ ჭიათურაში, ან მის რომელიმე სოფელში - ითხვისში, შუქრუთში, პერევისაში, და თუ შენც გაწუხებს ის, რაც გარშემო წიაღის მოპოვების შედეგად ხდება, მოდი სოფლის შეკრებაზე 21 მაისს, 2 საათზე, სოფელ ითხვისის დარბაზში. 
 
შეხვედრა სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით ტარდება. ჩვენი მიზანია სოფლის მოსახლეობამ და მათმა მხარდამჭერმა უფლებადამცველმა ორგანიზაციებმა ერთად ვიმსჯელოთ სოფელში არსებულ მდგომარეობაზე და ადგილობრივთა საჭიროებების გადაჭრის სამართლებრივ გზებზე.
 
ამ დრომდე უცნობია მერიის გეგმა უსახლკაროდ დარჩენილ ოჯახებთან დაკავშირებით. მრავალ კითხვას აჩენს მუნიციპალიტეტის და გარემოს ეროვნული სააგენტოს მიერ ამ დრომდე გადადგმული ნაბიჯები: მომზადებული წინასწარი გეოლოგიური დასკვნა ზედაპირულია, შემსწავლელი კომისიის კომპეტენცია და მათი მოკვლევის ფარგლები დაუზუსტებელია, სამხარაულის სახელობის ექსპერტიზის ბიუროს ჩართულობა კი ბუნდოვანია, ისევე როგორც კომპენსაციის დაანგარიშების პროცედურა. წერილი, რომელშიც ადგილობრივი მოსახლეობა სოფლის მეურნეობისა და გარემოს დაცვის სამინისტროს შეკითხვით მიმართავს მდგომარეობის შესწავლისა და უსაფრთხოების უზრუნველსაყოფად დაგეგმილი ღონისძიებების შესახებ ამ დრომდე პასუხგაუცემელია.
 
ამ ვითარებაში მნიშვნელოვანია ადგილობრივი მოსახლეობა სრულყოფილად იცნობდეს საკუთარ უფლებებს და მათ ხელთ არსებულ სამართლებრივ ბერკეტებს.
ჩვენ შესახებ / დონორები

ჰაინრიჰ ბიოლის ფონდის სამხრეთ კავკასიის რეგიონალური ბიურო

Library Image

მისამართი: ზოვრეთის ქ. 38, თბილისი 0160

ტელეფონი: +995 32 2 38 04 67/68

ჰაინრიჰ ბიოლის ფონდის სამხრეთ კავკასიის რეგიონალურ ბიუროსა და EMC-ის თანამშრომლობა 2015 წლიდან დაიწყო.

ორგანიზაციას ფონდის მხარდაჭერით არაერთი პროექტი აქვს განხორციელებული. თანამშრომლობა გულისხმობდა დასაქმებულებისა და შრომისა და გარემოსდაცვით საკითხებზე მომუშავე სხვადასხვა აქტივისტური ჯგუფების გაძლიერებას, მათ დაკავშირებას და მყარი მხარდაჭერითი ქსელის შექმნას. ასევე, დასაქმებულებზე, ეკოლოგიურ და სოციალურ გარემოზე მოპოვებითი და გადამამუშავებელი საქმიანობის ზეგავლენის აღწერასა და ჩვენებას, სხვადასხვა აქტივობისა და  კამპანიების  გზით. თანამშრომლობა ასევე მოიცავდა კვლევით საქმიანობას, მათ შორის წინააღმდეგობის გამოცდილებების შესწავლასა და დამხმარე დოკუმენტების შექმნას დასაქმებულთა უფლებებისა და გარემოს დაცვითი საკითხების შესახებ.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“