[Skip to Content]
ENG
ENG

სიახლეების გამოწერა

მაღალმთიან აჭარაში კრიტიკული პოლიტიკის სკოლის მონაწილეების შერჩევა დაიწყო

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლის მონაწილეები შეიძლება გახდნენ მაღალმთიან აჭარაში (ხულოს, შუახევისა და ქედას მუნიციპალიტეტებში) მოქმედი სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.

 მონაწილეობის სურვილის შემთხვევაში გთხოვთ, მიმდინარე წლის 9 ივლისამდე გამოგვიგზავნოთ თქვენი ავტობიოგრაფია, საკონტაქტო ინფორმაცია და ასევე, ესსე თემაზე: „სომოქალაქო აქტივიზმის როლი და სირთულეები მაღალმთიან აჭარაში სოციალური ცვლილებების მხარდაჭერისთვის“ (მინიმუმ 500 სიტყვა).

მეტი დეტალისთვის ეწვიეთ ბმულს: https://bit.ly/3vQUHWz

სოციალური პოლიტიკა / პროექტები

პროტესტის გამოხატვის უფლების მხარდაჭერა საქართველოში

Library Thumbnail Image

ბიუჯეტი: 15 000 USD

ხანგრძლივობა: 2020-2021 წელი

 

ადამიანის უფლებების სწავლებისა და მონიტორინგის ცენტრი (EMC),  2020 წლიდან International Partnership for Human Rights - ის (IPHR) მხარდაჭერით ახორციელებს პროექტს: „პროტესტის გამოხატვის უფლების მხარდაჭერა საქართველოში.“

პროექტის მიზანია დროულად, კონკრეტული საჭიროებების გათვალისწინებით დაიცვას მანიფესტანტების და სოციალური მოძრაობის ლიდერების უფლებები, რომლებიც მშვიდობიანი გზით ებრძვიან უსამართლობას, ჩაგვრას და უთანასწორობას. მხარდამჭერი სერვისები მოიცავს როგორც იურიდიულ დახმარებას და მხარდაჭერას, ასევე სტრატეგიულ სამართალწარმოებას,შეზღუდულ გადაუდებელ მხარდაჭერას და იმ სტრატეგიების გაძლიერებას. რაც უპასუხებს სახელმწიფოს მხრიდან ძალაუფლების ბოროტად გამოყენებას, დაეხმარება ძალადობის მსხვერპლებს და, უზრუნველყობს  ფიზიკურ და ციფრულს უსაფრთხოებას.

ამ პროექტის მიზნებისათვის პროტესტის გამოხატვის უფლება ფართოდ განისაზღვრება და მოიცავს ისეთ ფუნდამენტურ უფლებებს, როგორიცაა პირადი თავისუფლების უფლება, პირადი ცხოვრების დაცვა, გამოხატვის თავისუფლება, შეკრებისა და გაერთიანების თავისუფლება და ა.შ., აგრეთვე სტრუქტურული უთანასწორობა (სოციალურ-ეკონომიკური უფლებები) რაც შესაძლოა გამწვავებულიყო COVID 19 კრიზისით.

სტრატეგიული სამართალწარმოების მიმართულებები მოიცავს:

  • კოვიდ-19 ის პანდემიით გამოწვეული კრიზისის ფარგლებში მთავრობის მიერ დაწესებული შემზღუდავი ღონისძიებების გავლენა ადამიანის უფლებებზე;
  • უხეში და მკაცრი საპოლიციო/დასამსჯელო მექანიზმების გამოყენება ისეთ შემთხვევაში, როდესაც საზოგადოებრივი ჯანმრთელობის ინტერესი სოციალური/პრევენციული ღონისძიებებითაც იყო შესაძლებელი;
  • სოციალური და ეკონომიკური პოლიტიკის ის მნიშვნელოვანი გამოწვევები რაც კიდევ უფრო ცხადად გამოჩნდა პანდემიის პროცესში და რამაც სოციალურად მოწყვლადი ჯგუფების განსაკუთრებულად მაღალი მოწყვლადობა განაპირობა

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“