[Skip to Content]
ENG
ENG

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

რელიგიის თავისუფლება / განცხადება

რეპატრირებული მესხების მოქალაქეობის და უფლებების დაცვის საკითხი კვლავ პრობლემურია

სოციალური სამართლიანობის ცენტრი მოუწოდებს სახელმწიფო უწყებებს საკანონმდებლო, ადმინისტრაციული და სოციალური ღონისძიებების გატარებისკენ საქართველოდან გადასახლებული მესხებისთვის საქართველოს მოქალაქეობის მინიჭების მხარდაჭერისა და მათი უფლებებისა და სოციალური დაცვის ხელშეწყობისთვის.

XX საუკუნის 40-იან წლებში საქართველოს სსრ-დან იძულებით გადასახლებული მესხების ნაწილი, რომელიც სხვადასხვა დროს და გზებით უკვე 2000-იან წლებში საქართველოში დაბრუნდა, დღემდე მოქალაქეობის გარეშე ცხოვრობს და მოკლებულია ბაზისურ პოლიტიკურ და სოციალურ უფლებებს. ეს რეალობა გარდა იმისა, რომ მოქალაქეობის გარეშე დარჩენილი ოჯახების უფლებააყრილობასა და სოციალურ მოწყვლადობას განაპირობებს, ისტორიული დევნისა და შევიწროების გამოცდილების მქონე ხალხის მიმართ სოციალური უსამართლობის აღიარებისა და მისი აღდგენის პოლიტიკის სისუსტეზე მიუთითებს.

როგორც ცნობილია, 2000-იანი წლებში, სახელმწიფოს მიერ ნაკისრი საერთაშორისო ვალდებულებების კვალდაკვალ, საქართველომ მიიღო სპეციალური კანონი XX საუკუნის 40-იან წლებში საქართველოს სსრ-დან იძულებით გადასახლებულ პირთა რეპატრიაციის შესახებ. კანონის შესაბამისად, რეპატრიანტის სტატუსის მოპოვების შესახებ განაცხადი წარდგენილი უნდა ყოფილიყო არა უგვიანეს 2009 წლის 1 ივლისისა. რეპატრიანტის სტატუსის მქონე პირებს კი სტატუსის მინიჭებიდან 2 წლის ვადაში უნდა მიემართათ უფლებამოსილი ორგანოსთვის მოქალაქეობის მოთხოვნით, ხოლო საქართველოს მოქალაქეობის მინიჭების შესახებ ბრძანებულების გამოცემიდან 5 წლის ვადაში დაეტოვებინათ სხვა ქვეყნის მოქალაქეობა.

სამწუხაროდ, კანონით გათვალისწინებული შეზღუდული მექანიზმები, ვადები და რეპატრიაციის პროცესთან დაკავშირებული სუსტი სოციალური და სხვა პროგრამები, არ აღმოჩნდა რეპატრიაციისა და სამართლიანობის აღდგენის რეალური ინსტრუმენტი. ნიშანდობლივია, რომ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან 2021 წლის 2 ივნისს მიღებული ინფორმაციის თანახმად, რეპატრიანტის სტატუსი მიენიჭა 1998 სრულწლოვან პირს. რეპატრიანტის მოწმობის საფუძველზე საქართველოს მოქალაქეობის მიღების შესაძლებლობა კი გამოიყენა მხოლოდ 496 პირმა.

აღნიშნული სტატისტიკა და მესხების უფლებრივი და სოციალური მდგომარეობის ანალიზი ნათლად აჩვენებს, რომ სახელმწიფოს მიერ შექმნილი რეპატრიაციის სისტემა და პოლიტიკა არ აღმოჩნდა ქმედითი და სამართლიანი და რეალურად ვერ მიაღწია ისტორიული სამართლიანობის აღდგენის მიზანს. როგორც ზემოთაც ითქვა, რეპატრიაციის სისტემის არაეფექტუიანობა რამდენიმე ფაქტორით შეიძლება აიხსნას: კანონით დადგენილი ვადების არაგონივრულობა, სტატუსის მოპოვების გამარტივებული პროცედურის და საჭირო დოკუმენტაციის მოპოვების ხელშეწყობის მექანიზმების არარსებობა, სუსტი სოციალური გარანტიები, დაბრუნებისა და რეინტეგრაციის პროაქტიული მხარდაჭერის პროგრამებისა და ინსტრუმენტების არარსებობა.

დღეს მუსლიმი მესხების თემში ყველაზე მძიმედ დგას საქართველოში მყოფი, (ძირითადად შემთხვევაში) რეპატრიანტის სტატუსის მქონე, თუმცა მოქალაქეობის გარეშე დარჩენილი რამდენიმე ოჯახის მდგომარეობა. აღნიშნული ოჯახები ვერ ახერხებენ მოქალაქეობის მიღებას, რადგან მათ უკვე გაუშვეს მოქალაქეობის მინიჭების გამარტივებული პროცედურით სარგებლობის ვადა, მოქალაქეობის მინიჭების სხვა არსებული პროცედურა კი მათთვის გადაულახავ ბარიერებს ქმნის, მათ შორის, ენის არცოდნის, სხვა ქვეყნის მოქალაქეობის, საქართველოში მუდმივად და უწყვეტად ცხოვრების გამოცდილების არ ქონის პირობები.

ამ პირობებში მნიშვნელოვანია გამოიძებნოს სპეციალური სამართლებრივი, ადმინისტრაციული და სოციალური მექანიზმები ამ ჯგუფის მხარდასაჭერად. მათ შორის, ეს შეიძლება გულისხმობდეს:

  • მათი უფლებრივი და სოციალური მდგომარეობის შესწავლას და ბაზისური სოციალური, ჯანდაცვის, ეკონომიკური და სხვა პროგრამების მათზე გავრცელების პირობების შექმნას;
  • მოქალაქეობის მინიჭების საგამონაკლისო წესისა და შესაბამისი პრაქტიკის შექმნას, რომელიც მაქსიმალურად იქნება მორგებული გადასახლებული მესხების სოციალურ ინტერესებთან და იდენტობასთან;
  • მათთვის სახელმწიფო ენის სწავლებასთან დაკავშირებული დამატებითი და პროაქტიული პროგრამების შექმნას.

სოციალური სამართლიანობის ცენტრმა სათანადო რეაგირების მოთხოვნით უკვე მიმართა შესაბამის სახელმწიფო უწყებებს (მათ შორის, მთავრობას, იუსტიციის მინისტრს). ჩვენი შეფასებით, ისტორიული დევნის, შევიწროებისა და ტრავმატული გამოცდილების ფონზე, გადასახლებული მესხებისთვის სამართლიანი უფლებრივი და სოციალური პირობების შექმნა ჩვენი ქვეყნისა და საზოგადოების უმნიშვნელოვანესი ვალდებულებაა და ინკლუზიური, თანასწორი საზოგადოების მშენებლობის გზაზე წინ გადადგმული ნაბიჯი იქნება.

იმედი გვაქვს, სახელმწიფო უწყებებს გააზრებული აქვთ ამ საკითხის მნიშვნელობა და უმოკლეს ვადებში მიიღებენ ადეკვატურ ზომებს მესხების რეპატრიაციის და მათთვის საქართველოს მოქალაქეობის მინიჭების, ასევე სოციალური და უფლებრივი გარანტიების შექმნის პროცესის განახლების მიზნით.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“