[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ეთნიკური უმცირესობები / განცხადება

#გვარიდამიბრუნე კამპანიას ჩვენც მხარს ვუჭერთ

სოციალური სამართლიანობის ცენტრი (ყოფილი EMC) სოლიდარობას უცხადებს საქართველოს აზერბაიჯანელ თემში თვითორგანიზებულ პროცესს, რომელიც ისტორიული გვარების დაბრუნების საკითხს უკავშირდება და პარლამენტს ამ პროცესის მხარდაჭერისკენ მოუწოდებს.

რამდენიმე კვირის წინ პლატფორმა სალამის ინიციატივით საქართველოს პარლამენტის ბიუროს წარედგინა „სამოქალაქო აქტების შესახებ საქართველოს კანონში ცვლილებების შეტანის თაობაზე“ კანონის პროექტი, რომელიც არატრადიციული/არაავთენტური სუფიქსის ჩამოშორებით ან ამავე სუფიქსის შეცვლის გზით გვარის შეცვლის ახალ და სპეციალურ წესს ადგენს. კანონპროექტში პლატფორმა სალამი ითხოვს სპეციალური ჩანაწერის გაჩენას, რომელიც ითვალისწინებს, რომ „პირს, რომლის გვარიც ბოლოვდება არაავთენტური/არატრადიციული სუფიქსით („ოვ“/„ევ“ ან სხვა) უფლება აქვს მოითხოვოს აღნიშნული სუფიქსის გვარიდან ამოღება ან/და მისი შეცვლა ტრადიციული/ავთენტური სუფიქსით დამახასიათებელი იმ გვარისთვის, რომელთანაც პირს კავშირი აქვს ტრადიციიდან, ეთნიკური წარმომავლობიდან, ოჯახური ურთიერთობიდან ან/და რელიგიიდან გამომდინარე.“ კანონპროექტის პარლამენტში ინიცირებისთვის პლატფორმა სალამს არანაკლებ 25 000 ამომრჩევლის მხარდაჭერა სჭირდება და კამპანიის #გვარიდამიბრუნე ფარგლებში სხვადასხვა რეგიონებში მათ უკვე დაიწყეს ხელმოწერების შეგროვება.

საქართველოში გვარების შეცვლის ისტორია რუსეთის იმპერიისა და საბჭოთა კავშირის პოლიტიკას უკავშირდება. ამ პერიოდებში მოსახლეობის აღრიცხვისა და კონტროლის გაიოლების მიზნით სავალდებულო გახადა გვარების „გაფორმება“ პირსახელზე რუსული სუფიქსების (ოვ /ევ ან/და სხვა) დართვით. შედეგად, მოქალაქეების დიდმა ნაწილმა დაკარგა ტრადიციული გვარი. ეს პროცესი მასობრივად შეეხო სხვადასხვა ეთნიკურ ჯგუფს, მათ შორის საქართველოს აზერბაიჯანელ თემს.

აღსანიშნავია, რომ გვარის ცვლილებისა და აღდგენის არსებული საკანონმდებლო ჩარჩო ჩვენს მოქალაქეებს არ აძლევს ტრადიციული გვარების აღდგენის შესაძლებლობას. „სამოქალაქო აქტების შესახებ“ საქართველოს კანონის 64-ე მუხლი არ შეიცავს პირდაპირ ჩანაწერს გვარისთვის სუფიქსების ჩამოშორების შესახებ, ისტორიული გვარების აღდგენის ფარგლებში კი შეუძლებელი ან მნიშვნელოვნად გართულებულია ავთენტური გვარების დაბრუნების პროცესი, მოქალაქეზე მტკიცების გადაჭარბებული ტვირთის დაწესების გამო. კერძოდ, კანონის 65-ე მუხლის თანახმად, „პირს შეუძლია მოითხოვოს თავისი ისტორიული გვარის აღდგენა, თუ მტკიცებულებათა ერთობლიობით დასტურდება, რომ მისი გვარი წარმოიშვა სხვა გვარის გარდაქმნის ან მისი ისტორიული გვარის წარმომადგენლის მიერ სხვა გვარის მიღების შედეგად. სხვა მტკიცებულებებთან ერთად ისტორიული გვარის აღდგენას საფუძვლად აგრეთვე შეიძლება დაედოს დასაბუთებული მეცნიერული ვარაუდი, რომლითაც დასტურდება ამ მუხლის პირველ პუნქტში მითითებული გარემოებების არსებობა.“ სამოქალაქო რეესტრის საარქივო დოკუმენტებში აღმავალი შტოს ნათესავების დოკუმენტაცია მეტწილად არ იძებნება, ხოლო არსებულ დოკუმენტებში მხოლოდ რუსული სუფიქსით გადაკეთებული გვარები ფიქსირდება. დასაბუთებული მეცნიერული ვარაუდის შესაქმნელად კი, ამ მოცემულობით მზა დოკუმენტი/კვლევა არ არსებობს და ყოველ ინდივიდუალურ შემთხვევაში მოქალაქეს მოუწევს შესაბამისი მეცნიერის/ისტორიკოსის მოძიება, ფინანსური და სხვა რესურსების გაღება და კვლევის დაკვეთა, რომელიც შესაძლოა არც პასუხობდეს ზემოაღნიშნული მუხლის მოთხოვნებს. შესაბამისად, მოქალაქეები პრაქტიკულად ვერ ახერხებენ გვარის გარდაქმნის დამადასტურებელი მტკიცებულებების მოპოვებას.

გასათვალისწინებელია ისიც, რომ სამოქალაქო რეესტრის პრაქტიკა იმ განცხადებებთან დაკავშირებით, რომელიც შეეხება პირის მოთხოვნას ჩამოშორდეს მის გვარს არაავთენტური სუფიქსი და დაუბრუნდეს პირვანდელი სახე არაერთგვაროვანია. კერძოდ, სსიპ სახელმწიფო სერვისების განვითარების სააგენტო აღნიშნულის თაობაზე განაცხადებებს ხან „სამოქალაქო აქტების შესახებ“ საქართველოს კანონის 64-ე მუხლის მე-2 პუნქტის „ბ“ (პირდაპირი აღმავალი შტოს ერთ-ერთი ნათესავის გვარის მიღება) ქვეპუნქტით, ხან ამავე პუნქტის „თ“ ქვეპუნქტით (ისტორიული გვარის აღდგენა) ან 66-ე (გვარის კანონიერად აღიარება) და 67-ე (გვარის დადგენა) მუხლებით დადგენილი წესით იხილავს. ნებისმიერ შემთხვევაში, განმცხადებლის მოთხოვნა არ კმაყოფილდება. ვინაიდან, არსებული რეგულაციები არ პასუხობს განმცხადებლების რეალურ საჭიროებებს, ან არეგულირებს სხვა სამართალურთიერთობას.

ზემოაღნიშნული ადასტურებს, რომ საჭიროა საკითხის სპეციალური რეგულირება, რომელიც სუფიქსების დამატებით გადაკეთებული გვარების შეცვლის წესს ცალკე მოაწესრიგებს და მას გვარის შეცვლის კანონმდებლობით განსაზღვრული სხვა შემთხვევებისგან გამიჯნავს. ცხადია, რომ ამ ცვლილების შედეგად გაიზრდება სამოქალაქო რეესტრის საქმიანობის ეფექტიანობაც და მოქალაქეები ზედმეტი ბიუროკრატიის, დანახარჯების და სირთულეების გარეშე, მარტივად შეძლებენ შეიცვალონ არაავთენტური გვარები.

სახელი და გვარი პირის მთავარი მაიდენტიფიცირებელი მონაცემებია და ის ადამიანის ღირსებას, პატივს და იდენტობას უკავშირდება. ამ საკითხების რეგულირების პროცესში პირის პირადი ავტონომიისა და იდენტობის სპეციფიკის დაცვას მაღალი მნიშვნელობა ენიჭება და სახელმწიფოს განსაკუთრებულ გულისხმიერებას ითხოვს. ეთნიკური უმცირესობების მიმართ კი სახელმწიფოს დამატებითი ვალდებულებები ეკისრება დაცვას მათი იდენტობა და თვითმყოფადობა.

აღნიშნულის გათვალისწინებით სოციალური სამართლიანობის ცენტრი უერთდება კამპანიას #გვარიდამიბრუნე და მოუწოდებს:

საქართველოს მოქალაქეებს მხარი დაუჭირონ პლატფორმა სალამის ამ მნიშვნელოვან წამოწყებას, რომელიც საქართველოს აზერბაიჯანელი თემის ფართე ჯგუფების ინტერესს გამოხატავს;

საქართველოს პარლამენტს გაიაზროს ამ პროცესის ისტორიული და სოციალური მნიშვნელობა და ხელი შეუწყოს სათაადო საკანონმდელო ცვლილებების გატარებას.

სოციალური სამართლიანობის ცენტრი ცდილობს სამართლებრივი მხარდაჭერა გაუწიოს ამ პროცესს და სხვა ორგანიზაციებთან ერთად მონაწილეობდა პლატფორმა სალამის მიერ ორგანიზებული კანონპროექტის შემუშავების პროცესში. ჩვენ გეგმაში გვაქვს სასამართლო დავების ორგანიზებაც ამ მიმართულებით.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“