[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

სხვა / განცხადება

გარდაცვლილი ნუგზარ ფუტკარაძის შვილს ამ დრომდე არ ენიჭება დაზარალებულის სტატუსი 

ბათუმის საკრებულოს გარდაცვლილი დეპუტატის, ნუგზარ ფუტკარაძის სიცოცხლის გაუფრთხილებლობით მოსპობის საქმეზე მიმდინარე გამოძიების ფარგლებში, 4 თვის შემდეგაც, დაღუპულის ოჯახის წევრებს არ ენიჭებათ დაზარალებულის სტატუსი. ეს გადაწყვეტილება წარმოადგენს გარდაცვლილი დეპუტატის ოჯახის წევრების გამოძიებაში მონაწილეობის უფლების გაუმართლებელ შეზღუდვას და აძლიერებს მიმდინარე გამოძიების მიმართ უნდობლობასა და ეჭვებს მისი პოლიტიზირების შესახებ.

როგორც საზოგადოებისთვის არის ცნობილი, “ერთიანი ნაციონალური მოძრაობიდან” ბათუმის საკრებულოში არჩეული ნუგზარ ფუტკარაძე, 2021 წლის ადგილობრივი თვითმმართველობის არჩევნებიდან რამდენიმე დღეში სისხლში შაქრის დონის მნიშვნელოვნად მატების შედეგად დაიღუპა. ფუტკარაძის ოჯახი და თანაგუნდელები გარდაცვალების ფაქტს აჭარის მთავრობის თავმჯდომარის (თორნიკე რიჟვაძის) მამის, დავით რიჟვაძის, დავალებით ფუტკარაძის მიმართ განხორციელებულ ზეწოლას უკავშირებენ. აღსანიშნავია, რომ დავით რიჟვაძე ამჟამად აჭარის პოლიციის დეპარტამენტის უბნის ინსპექტორების სამმართველოს უფროსის მოადგილეა.

დავით რიჟვაძის მხრიდან განხორციელებული ზეწოლის თაობაზე “ნაციონალურმა მოძრაობამ” აუდიო ჩანაწერიც გაავრცელა გასული წლის 24 ნოემბერს, რომელშიც ისმის, რომ ახლადარჩეულ ოპოზიციონერ წევრს, 100 000 დოლარის სანაცვლოდ პოლიტიკური ორიენტაციის შეცვლას და ნეიტრალური პოზიციების დაკავებას სთხოვენ. მანამდე გაკეთებულ აუდიოჩანაწერში ნუგზარ ფუტკარაძე ასევე ეუბნება მის გადასაბირებლად მიგზავნილ ადამიანებს, რომ აღარ უნდა ამ საკითხზე კომუნიკაცია, რადგან აქვს ჯანმრთელობის პრობლემები და თავს შეუძლოდ გრძნობს.

2021 წლის 19 ოქტომბერს, ადგილობრივი თვითმმართველობის არჩევნების პირველი ტურის შემდეგ,
“ქართული ოცნების” პარტიის თავმჯდომარემ, ირაკლი კობახიძე, განაცხადა, რომ მმართველი ძალა ბათუმის საკრებულოში სტაბილურ უმრავლესობას მოიპოვებდა. “ჩვენ ვითანამშრომლებთ საკრებულოს ცალკეულ წევრებთან” – განაცხადა ირაკლი კობახიძემ. ასევე, ნუგზარ ფუტკარაძის გარდაცვალებას წინ უძღოდა 5 ნოემბერს „ნაციონალური მოძრაობის” ბათუმის მერობის კანდიდატის, გიორგი კირთაძის განცხადება, რომ “ქართული ოცნება” ახალარჩეული ბათუმის საკრებულოს ოპოზიციური წევრების მოსყიდვას და დაშინებას ცდილობდა, საკრებულოში გადაბირებისა და უმრავლესობის შექმნის მიზნით. გიორგი კირთაძეს ბრიფინგზე კონკრეტული პირები არ დაუსახელებია, თუმცა ამბობდა, რომ მათი პარტიის ბევრ წევრთან აჭარის მთავრობის თავმჯდომარის, თორნიკე რიჟვაძის მამის, დავით რიჟვაძის სახელით იყვნენ მისული. ოპოზიციონერი დეპუტატების გადაბირების და დაშანტაჟების პროცესზე საუბრობდა, საკრებულოს წევრი „ლელოდან“ ირაკლი კუპრაძეც. მისი თქმითაც, ოპოზიციონერ წევრებს სთავაზობენ დიდძალ თანხას და ემუქრებიან ოჯახის წევრებზე სისხლის სამართლის საქმეების აღძვრით და ამას ახლობელი-შუამავალი ადამიანების პირით აკეთებენ.

მიუხედავად იმისა, რომ გამოძიების დაწყებიდან 4 თვეზე მეტი გავიდა, ამ დრომდე, არათუ დაიწყო შესაძლო დამნაშავეების მიმართ სისხლისსამართლებრივი დევნა, პროკურატურა დაზარალებულის უფლებამონაცვლის სტატუსსაც კი არ ანიჭებს დაღუპულის ოჯახის წევრებს. ნიშანდობლივია, რომ დაზარალებულის (ან მისი უფლებამონაცვლის) სტატუსი მხოლოდ სიმბოლურ დატვირთვას არ ატარებს და სტატუსის ოფიციალურ მინიჭებას უკავშირდება საქმის მასალებზე წვდომა. მიმდინარე წლის 22 მარტს, დაღუპულის შვილის, მათე ფუტკარაძის სახელით, სოციალური სამართლიანობის ცენტრმა განცხადებითაც მიმართა საქმის ზედამხედველ პროკურორს და მოითხოვა მათე ფუტკარაძის დაზარალებულის უფლებამონაცვლედ ცნობა. სამწუხაროდ, საქმის ზედამხედველმა პროკურორმა ამ დრომდე არ მიიღო დადგენილება დაზარალებულად ცნობის თაობაზე.

ნუგზარ ფუტკარაძის შემთხვევა არაა ერთადერთი, სადაც შესაძლოა იკვეთებოდეს მმართველი პოლიტიკური გუნდის მხრიდან ოპოზიციონერი დეპუტატების მოსყიდვის მცდელობის, ან მათზე ზეწოლის ნიშნები. 2021 წლის ოქტომბერს, პარტია “საქართველოსთვის” ბათუმის ახალარჩეული საკრებულოს წევრმა, ირაკლი თავდგირიძემ მოულოდნელად დატოვა პარტია. ამავე დღეს, პარტიის ერთ-ერთმა ლიდერმა, აკაკი გვიანიძემ განაცხადა, რომ ირაკლი თავდგირიძემ მოსყიდვის შედეგად პარტიის დატოვების გადაწყვეტილება მიიღო.

ბათუმის გარდა, ოპოზიციონერი დეპუტატების მიმართ შესაძლო ზეწოლას ადგილი ჰქონდა ზუგდიდისა და დმანისის ახლადარჩეული საკრებულოების წევრებზე, თუმცა არც ერთი შემთხვევა ამ დრომდე არ არის ეფექტიანად გამოძიებული.

აღნიშნული კიდევ ერთხელ აჩვენებს, რომ სამწუხაროდ, მმართველ პოლიტიკურ გუნდს არ აქვს მინიმალური მზაობაც კი, რომ პოლიტიკური ძალაუფლება და პასუხისმგებლობა გაუნაწილოს ოპოზიციას. მეტიც, ძალაუფლების კონსოლიდაციისა და მონოპოლიზებისთვის, “ქართული ოცნება” არ ერიდება ვითარების კიდევ უფრო მეტად რადიკალიზებას, პოლიტიკურ პოლარიზაციას და სხვადასხვა იძულების მექანიზმის გამოყენებას.

ამის გათვალისწინებით, ნუგზარ ფუტკარაძის საქმის დროული გამოძიება და ამ პროცესის მაქსიმალური გამჭვირვალობით წარმართვა კრიტიკულად მნიშვნელოვანია განსაკუთრებით იმ ფონზე, რომ მასში შესაძლოა იკვეთებოდეს მაღალჩინოსნების და მმართველი პოლიტიკური გუნდის შესაძლო ჩართულობა. ამ ფონზე, დაზარალებულის სტატუსის მიუნიჭებლობა არათუ მინიმალურადაც კი ვერ პასუხობს დაზარალებულის უფლებების დაცვის და ზოგად პროცესუალურ სტანდარტებს, კიდევ უფრო ზრდის უნდობლობას გამოძიების მიმართ.

სოციალური სამართლიანობის ცენტრი აგრძელებს დაღუპული ნუგზარ ფუტკარაძის ოჯახის წევრების სამართლებრივ დახმარებას და საზოგადოებას რეგულარულად გააცნობს საქმის მსვლელობის თაობაზე მნიშვნელოვან ინფორმაციას.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“