[Skip to Content]
ENG
ENG

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

ეთნიკური უმცირესობები / განცხადება

გაეროს ადამაინის უფლებათა კომიტეტი მოუწოდებს ხელისუფლებას გააძლიეროს უმცირესობების სოციალური და პოლიტიკური ინტეგრაცია

გაეროს ადამიანის უფლებათა კომიტეტმა 2022 წლის 22 ივლისს საქართველოს მეხუთე პერიოდული ანგარიშის შეფასების საფუძველზე გამოსცა დასკვნითი რეკომენდაციები ქვეყანაში სამოქალაქო და პოლიტიკურ უფლებათა მდგომარეობის შესახებ.

კომიტეტი სამოქალაქო და პოლიტიკურ უფლებათა საერთაშორისო პაქტის საფუძველზე ოთხ წელიწადში ერთხელ იღებს სახელმწიფოების ანგარიშებს ქვეყანაში უფლებრივი მდგომარეობის შესახებ, აფასებს არსებულ ვითარებას და გამოსცემს რეკომენდაციებს მომდევნო საანგარიშო პერიოდამდე შესასრულებლად. შეფასების მეხუთე ციკლის ფარგლებში კომიტეტმა სხვა საკითხებთან ერთად იმსჯელა საქართველოში ეთნიკური და რელიგიური უმცირესობების უფლებრივი მდგომარეობის შესახებ.

ადამიანის უფლებათა კომიტეტი აღნიშნავს, რომ სამოქალაქო თანასწორობის და ინტეგრაციის სახელმწიფო სტრატეგიების და სამოქმედო გეგმების მიღების მიუხედავად უმცირესობების პოლიტიკური მონაწილეობის და სოციალური ინტეგრაციის კუთხით ქვეყანაში კვლავ მძიმე მდგომარეობაა. ასევე, კომიტეტის შეფასებით უმცირესობები კვლავ მნიშვნელოვან ენობრივ ბარიერებს აწყდებიან, რაც მათ უზღუდავს შესაძლებლობას ისარგებლონ პაქტით გარანტირებული სამოქალაქო და პოლიტიკური უფლებებით.

სწორედ ამ პრობლემების გათვალისწინებით ადამიანის უფლებათა კომიტეტი მოუწოდებს სახელმწიფოს გააძლიეროს მისი ძალისხმევა და მიიღოს დამატებითი ზომები უმცირესობების უფლებების დასაცავად, მათი სპეციალური საჭიროებების გათვალისწინებით. ამ მხრივ, კომიტეტი საჭიროდ მიიჩნევს გაიზარდოს უმცირესობების წარმომადგენლობა სამთავრობო და საჯარო ადმინისტრირების ორგანოებში, თუნდაც დროებითი სპეციალური ზომების მიღებით. ასევე გააძლიეროს ქართული ენის სწავლება, განსაკუთრებით უმცირესობათა იმ ჯგუფებში, რომლებსაც ხელი არ მიუწვდებათ ენის სწავლებაზე ან ცხოვრობენ მოშორებულ სოფლებში. კომიტეტი მიიჩნევს, რომ ენის სწავლების კუთხის ზომების გაძლიერება ხელს შეუწყობს უმცირესობების ხელმისაწვდომობას განათლებაზე, საჯარო სერვისებზე და ასევე მათ სოციალურ ინტეგრაციას. საჯარო ინფორმაციაზე ხელმისაწვდომობა უმცირესობებისთვის გასაგებ ენაზე იმ მუნიციპალიტეტებში, სადაც ეს ჯგუფები მჭიდროდ არიან დასახლებული კომიტეტის კიდევ ერთი რეკომენდაციაა.

კომიტეტი ხაზს უსვამს რელიგიური უმცირესობების მიმართ არსებულ სტრუქტურულ დისკრიმინაციას და განსაკუთრებით გამოთქვამს შეშფოთებას მათი რელიგიური ადგილების რეაბილიტაციისთვის საჭირო არაპროპორციულად მცირე დაფინანსების გამო. შეფასების დოკუმენტში ასევე აღნიშნულია, რომ საკონსტიტუციო სასამართლოს 2018 წლის 3 ივლისის გადაწყვეტილება რელიგიური ორგანიზაციების დისკრიმინაციულ საგადასახადო რეჟიმთან დაკავშირებით კვლავ არ არის ასახული კანონმდებლობაში. ბათუმში ახალი მეჩეთის მშენებლობის ნებართვის საკითხი ასევე ხაზგასმულია კომიტეტის ანგარიშში და მიჩნეულია, რომ არსებული სამართლებრივი პროცედურების გაჭიანურება არღვევს რელიგიის თავისუფლებას. საჯარო სკოლებში რელიგიური უმცირესობების, განსაკუთრებით მუსლიმი მოსწავლეების სტიგმატიზაციის, ზეწოლის და შეურაცხყოფის პრაქტიკა კვლავ წარმოადგენს კომიტეტის შეშფოთების საგანს.

ამ პრობლემების გათვალისწინებით, ადამიანის უფლებათა კომიტეტი მოუწოდებს სახელმწიფოს კანონის და პრაქტიკის დონეზე აღკვეთოს რელიგიური უმცირესობების დისკრიმინაციის პრაქტიკა ფინანსური რესურსების გადანაწილების, დაბეგვრის და მშენებლობის ნებართვების მინიჭების მიმართულებებით; ასევე, საჯარო სკოლებში უზრუნველყოს რელიგიური მრავალფეროვნების მიმართ პატივისცემა და ტოლერანტობა და აღმოფხვრას რელიგიური მოტივებით არსებული სტერეოტიპები.

ეთნიკური და რელიგიური უმცირესობების სოციალური და პოლიტიკურ ინტეგრაციასთან დაკავშირებით ამ რეკომენდაციებით სოციალური სამართლიანობის ცენტრმა კომიტეტს 2020 წელს წარდგენილი ალტერნატიული ანგარიშის ფარგლებში მიმართა. ეთნიკური უმცირესობების პოლიტიკური და სამოქალაქო უფლებრივი მდგომარეობის გაუმჯობესების მიზნით ამ რეკომენაციების შესრულება სახელმწიფოს შესაბამისი უწყებების მიერ კრიტიკული მნიშვნელობისაა და მნიშვნელოვანია რომ კომიტეტმა შეფასების მეხუთე ციკლის ფარგლებში ხაზი გაუსვა ამ საკითხებს.

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“