[Skip to Content]

სიახლეების გამოწერა

ჯავახეთში კრიტიკული პოლიტიკის სკოლის მონაწილეების შერჩევა დაიწყო/Ջավախքում մեկնարկել է Քննադատական ​​քաղաքականության դպրոցի մասնակիցների ընտրությունը

 

Տե՛ս հայերեն թարգմանությունը ստորև

სოციალური სამართლიანობის ცენტრი აცხადებს მიღებას ჯავახეთის რეგიონში კრიტიკული პოლიტიკის სკოლის მონაწილეების შესარჩევად. 

კრიტიკული პოლიტიკის სკოლა, ჩვენი ხედვით, ნახევრად აკადემიური და პოლიტიკური სივრცეა, რომელიც მიზნად ისახავს სოციალური სამართლიანობის, თანასწორობის და დემოკრატიის საკითხებით დაინტერესებულ ახალგაზრდა აქტივისტებსა და თემის ლიდერებში კრიტიკული ცოდნის გაზიარებას და კოლექტიური მსჯელობისა და საერთო მოქმედების პლატფორმის შექმნას.

კრიტიკული პოლიტიკის სკოლა თეორიული ცოდნის გაზიარების გარდა, წარმოადგენს მისი მონაწილეების ურთიერთგაძლიერების, შეკავშირებისა და საერთო ბრძოლების გადაკვეთების ძიების ხელშემწყობ სივრცეს.

კრიტიკული პოლიტიკის სკოლის მონაწილეები შეიძლება გახდნენ ჯავახეთის რეგიონში (ახალქალაქის, ნინოწმინდისა და ახალციხის მუნიციპალიტეტებში) მოქმედი ან ამ რეგიონით დაინტერესებული სამოქალაქო აქტივისტები, თემის ლიდერები და ახალგაზრდები, რომლებიც უკვე მონაწილეობენ, ან აქვთ ინტერესი და მზადყოფნა მონაწილეობა მიიღონ დემოკრატიული, თანასწორი და სოლიდარობის იდეებზე დაფუძნებული საზოგადოების მშენებლობაში.  

პლატფორმის ფარგლებში წინასწარ მომზადებული სილაბუსის საფუძველზე ჩატარდება 16 თეორიული ლექცია/დისკუსია სოციალური, პოლიტიკური და ჰუმანიტარული მეცნიერებებიდან, რომელსაც სათანადო აკადემიური გამოცდილების მქონე პირები და აქტივისტები წაიკითხავენ.  პლატფორმის მონაწილეების საჭიროებების გათვალისწინებით, ასევე დაიგეგმება სემინარების ციკლი კოლექტიური მობილიზაციის, სოციალური ცვლილებებისთვის ბრძოლის სტრატეგიებსა და ინსტრუმენტებზე (4 სემინარი).

აღსანიშნავია, რომ სოციალური სამართლიანობის ცენტრს უკვე ჰქონდა ამგვარი კრიტიკული პოლიტიკის სკოლების ორგანიზების კარგი გამოცდილება თბილისში, მარნეულში, აჭარასა  და პანკისში.

კრიტიკული პოლიტიკის სკოლის ფარგლებში დაგეგმილი შეხვედრების ფორმატი:

  • თეორიული ლექცია/დისკუსია
  • გასვლითი ვიზიტები რეგიონებში
  • შერჩეული წიგნის/სტატიის კითხვის წრე
  • პრაქტიკული სემინარები

სკოლის ფარგლებში დაგეგმილ შეხვედრებთან დაკავშირებული ორგანიზაციული დეტალები:

  • სკოლის მონაწილეთა მაქსიმალური რაოდენობა: 25
  • ლექციებისა და სემინარების რაოდენობა: 20
  • სალექციო დროის ხანგრძლივობა: 8 საათი (თვეში 2 შეხვედრა)
  • ლექციათა ციკლის ხანგრძლივობა: 6 თვე (ივლისი-დეკემბერი)
  • ლექციების ჩატარების ძირითადი ადგილი: ნინოწმინდა, თბილისი
  • კრიტიკული სკოლის მონაწილეები უნდა დაესწრონ სალექციო საათების სულ მცირე 80%-ს.

სოციალური სამართლიანობის ცენტრი სრულად დაფარავს  მონაწილეების ტრანსპორტირების ხარჯებს.

შეხვედრებზე უზრუნველყოფილი იქნება სომხურ ენაზე თარგმანიც.

შეხვედრების შინაარსი, გრაფიკი, ხანგრძლივობა და ასევე სხვა ორგანიზაციული დეტალები შეთანხმებული იქნება სკოლის მონაწილეებთან, ადგილობრივი კონტექსტისა და მათი ინტერესების გათვალისწინებით.

მონაწილეთა შერჩევის წესი

პლატფორმაში მონაწილეობის შესაძლებლობა ექნებათ უმაღლესი განათლების მქონე (ან დამამთავრებელი კრუსის) 20 წლიდან 35 წლამდე ასაკის ახალგაზრდებს. 

კრიტიკული პოლიტიკის სკოლაში მონაწილეობის სურვილის შემთხვევაში გთხოვთ, მიმდინარე წლის 30 ივნისამდე გამოგვიგზავნოთ თქვენი ავტობიოგრაფია და საკონტაქტო ინფორმაცია.

დოკუმენტაცია გამოგვიგზავნეთ შემდეგ მისამართზე: [email protected] 

გთხოვთ, სათაურის ველში მიუთითოთ: "კრიტიკული პოლიტიკის სკოლა ჯავახეთში"

ჯავახეთში კრიტიკული პოლიტიკის სკოლის განხორციელება შესაძლებელი გახდა პროექტის „საქართველოში თანასწორობის, სოლიდარობის და სოციალური მშვიდობის მხარდაჭერის“ ფარგლებში, რომელსაც საქართველოში შვეიცარიის საელჩოს მხარდაჭერით სოციალური სამართლიანობის ცენტრი ახორციელებს.

 

Սոցիալական արդարության կենտրոնը հայտարարում է Ջավախքի տարածաշրջանում բնակվող երիտասարդների ընդունելիություն «Քննադատական մտածողության դպրոցում»

Քննադատական մտածողության դպրոցը մեր տեսլականով կիսակադեմիական և քաղաքական տարածք է, որի նպատակն է կիսել քննադատական գիտելիքները երիտասարդ ակտիվիստների և համայնքի լիդեռների հետ, ովքեր հետաքրքրված են սոցիալական արդարությամբ, հավասարությամբ և ժողովրդավարությամբ, և ստեղծել կոլեկտիվ դատողությունների և ընդհանուր գործողությունների հարթակ:

Քննադատական մտածողության դպրոցը, բացի տեսական գիտելիքների տարածումից, ներկայացնում  է որպես տարածք փոխադարձ հնարավորությունների ընդլայնման, մասնակիցների միջև ընդհանուր պայքարի միջոցով խնդիրների հաղթահարման և համախմբման համար։

Քննադատական մտածողության դպրոցի մասնակից կարող են դառնալ Ջավախքի տարածաշրջանի (Նինոծմինդա, Ախալքալաքի, Ախալցիխեի) երտասարդները, ովքեր հետաքրքրված են քաղաքական աքտիվիզմով, գործող ակտիվիստներ, համայնքի լիդեռները և շրջանում բնակվող երտասարդները, ովքեր ունեն շահագրգռվածություն և պատրաստակամություն՝ կառուցելու ժողովրդավարական, հավասարազոր և համերաշխության վրա հիմնված հասարակություն։

Հիմնվելով հարթակի ներսում նախապես պատրաստված ուսումնական ծրագրի վրա՝ 16 տեսական դասախոսություններ/քննարկումներ կկազմակերպվեն սոցիալական, քաղաքական և հումանիտար գիտություններից՝ համապատասխան ակադեմիական փորձ ունեցող անհատների և ակտիվիստների կողմից: Հաշվի առնելով հարթակի մասնակիցների կարիքները՝ նախատեսվում է նաև սեմինարների շարք կոլեկտիվ մոբիլիզացիայի, սոցիալական փոփոխությունների դեմ պայքարի ռազմավարությունների և գործիքների վերաբերյալ  (4 սեմինար):

Հարկ է նշել, որ Սոցիալական արդարության կենտրոնն արդեն ունի նմանատիպ քննադատական քաղաքականության դպրոցներ կազմակերպելու լավ փորձ Թբիլիսիում, Մառնեուլիում, Աջարիայում և Պանկիսիում։

Քննադատական քաղաքականության դպրոցի շրջանակներում նախատեսված հանդիպումների ձևաչափը

  • Տեսական դասախոսություն/քննարկում
  • Այցելություններ/հանդիպումներ տարբեր մարզերում
  • Ընթերցանության գիրք / հոդված ընթերցման շրջանակ
  • Գործնական սեմինարներ

Դպրոցի կողմից ծրագրված հանդիպումների կազմակերպչական մանրամասներ

  • Դպրոցի մասնակիցների առավելագույն թիվը՝ 25
  • Դասախոսությունների և սեմինարների քանակը՝ 20
  • Դասախոսության տևողությունը՝ 8 ժամ (ամսական 2 հանդիպում)
  • Դասախոսությունների տևողությունը՝ 6 ամիս (հուլիս-դեկտեմբեր)
  • Դասախոսությունների հիմնական վայրը՝ Նինոծմինդա, Թբիլիսի
  • Քննադատական դպրոցի մասնակիցները պետք է մասնակցեն դասախոսության ժամերի առնվազն 80%-ին:

Սոցիալական արդարության կենտրոնն ամբողջությամբ կհոգա մասնակիցների տրանսպորտային ծախսերը։

Հանդիպումների ժամանակ կապահովվի հայերեն լզվի թարգմանությունը։

Հանդիպումների բովանդակությունը, ժամանակացույցը, տևողությունը և կազմակերպչական այլ մանրամասներ կհամաձայնեցվեն դպրոցի մասնակիցների հետ՝ հաշվի առնելով տեղական համատեքստը և նրանց հետաքրքրությունները:

Մասնակիցների ընտրության ձևաչափը

Դպրոցում մասնակցելու հնարավորություն կնձեռվի բարձրագույն կրթություն ունեցող կամ ավարտական կուրսի 20-ից-35 տարեկան ուսանողներին/երտասարդներին։ 

Եթե ցանկանում եք մասնակցել քննադատական քաղաքականության դպրոցին, խնդրում ենք ուղարկել մեզ ձեր ինքնակենսագրությունը և կոնտակտային տվյալները մինչև հունիսի 30-ը։

Փաստաթղթերն ուղարկել հետևյալ հասցեով; [email protected]

Խնդրում ենք վերնագրի դաշտում նշել «Քննադատական մտածողության դպրոց Ջավախքում»:

Ջավախքում Քննադատական մտածողության դպրոցի իրականացումը հնարավոր է դարձել «Աջակցություն Վրաստանում հավասարության, համերաշխության և սոցիալական խաղաղության» ծրագրի շրջանակներում, որն իրականացվում է Սոցիալական արդարության կենտրոնի կողմից Վրաստանում Շվեյցարիայի դեսպանատան աջակցությամբ ։

რელიგიის თავისუფლება / განცხადება

EMC: სახელმწიფოს არაეფექტური პოლიტიკა იეჰოვას მოწმეთა მიმართ ძალადობის წახალისებას იწვევს

jw

EMC ეხმიანება ვაზისუბანში იეჰოვას მოწმეთა სამეფო დარბაზის დაცხრილვის ფაქტს და მიიჩნევს, რომ რელიგიური სიძულვილით მოტივირებული დანაშაულების მიმართ სახელმწიფოს არაეფექტური პოლიტიკა იწვევს ძალადობის წახალისებას, რელიგიური უმცირესობების წარმომადგენლებისთვის კი უსაფრთხო და მშვიდ გარემოში რელიგიის თავისუფლებით სარგებლობას ართულებს.

2015 წლის 23 ნოემბერს, საღამოს საათებში, თბილისში, ვაზისუბნის მე-3 კვარტალში, იეჰოვას მოწმეების ორგანიზაციის ოფისი დაცხრილეს. ოფისს  15-მდე  ტყვია ესროლეს. აღსანიშნავია, რომ აღნიშნული შენობა პოლიციის განყოფილებიდან 300 მეტრში მდებარეობს, თუმცა გამოძიება მხოლოდ მეორე დღეს, იეჰოვას მოწმეების პოლიციისთვის მიმართვის შემდეგ, საქართველოს სისხლის სამართლის კოდექსის (შემდგომში სსკ) 187-ე მუხლით დაიწყო, რაც სხვისი ნივთის განზრახ  დაზიანებას გულისხმობს. იეჰოვას მოწმეების ინფორმაციით, აღნიშნულ ოფისზე თავდასხმის და დაზიანების ფაქტი პირველი არ არის.

EMC მიიჩნევს, რომ გამოვლენილი დანაშაულის კვალიფიკაცია სსკ-ის 187 მუხლით არ არის ადეკვატური და გამოძიებამ, ერთის მხრივ, უნდა შეისწავლოს შესაძლო დევნის (ქმედების განმეორებადობის გამო) გარემოება და მეორე მხრივ, უნდა გამოკვეთოს რელიგიური სიძულვილის მოტივი, რომელიც ნათლად ჩანს განსახილველ ქმედებაში.

აღსანიშნავია, რომ იეჰოვას მოწმეთა ქრისტიანული ორგანიზაციის მიერ წარმოებული სტატისტიკის თანახმად[1], იეჰოვას მოწმეთა თემის მიმართ მათი რელიგიური კუთვნილების გამო, 2010-2012 წლებში, მთლიანობაში, 25-მდე ძალადობის ფაქტი დაფიქსირდა. 2013 წელს აღნიშნული რიცხვი თითქმის 2-ჯერ გაიზარდა და 47-ს შემთხვევას მიაღწია. 2014 წელს დაფიქსირდა 45 შემთხვევა, ხოლო 2015 წლის სექტემბრის მონაცემებით, ადგილი ჰქონდა ძალადობის 34 ფაქტს.

იეჰოვას მოწმეთა მიმართ გამოვლენილი ძალადობის ფაქტების ანალიზი აჩვენებს, რომ ისინი ცალკეული პირების, ხშირ შემთხვევაში კი დომინანატი რელიგიური ჯგუფის წარმომადგენლების მხრიდან, რელიგიური შეუწყნარებლობის გამო, რელიგიური საქმიანობაში ხელის შეშლის, მუქარის, იძულების, ცემის, დევნისა და სხვადასხვა ფორმით ფიზიკური და ფსიქოლოგიური ძალადობის მსხვერპლები ხდებიან. მათ შორის გავრცელებულ პრაქტიკას წარმოადგენს მათი საკულტო ნაგებობების დაზიანება. აღნიშნულ შემთხვევებზე სახელმწიფოს არაეფექტური რეაგირების შედეგად კი, ხშირად, ძალადობის ფაქტები ერთი და იმავე პირებისგან/პირთა ჯგუფისან მომდინარეობს.

EMC-ისთვის მიცემულ ახსნა-განმარტებაში იეჰოვას მოწმეთა ადვოკატები აცხადებენ, რომ მიუხედავად იმისა, რომ დანაშაულის შესახებ ინფორმაციის მიწოდების მომენტიდან, სამართალდამცავები ვალდებულები არიან დაიწყონ გამოძიება, პოლიცია ხშირად დროულად არ იწყებს გამოძიებას, ან დაწყებულ გამოძიებას მალევე წყვეტს დანაშაულის ნიშნების არ არსებობის გამო. კიდევ უფრო ხშირ შემთხვევში კი, დაწყებული გამოძიების პროცესი ჭიანურდება. გამოძიების მიმდინარეობის დროს, პროკურატურა იეჰოვას მოწმეებს არ ანიჭებს დაზარალებულის სტატუსს, რაც მათ გამოძიების პროცესის კონტროლის შესაძლებლობას ართმევს.

ამასთან, იეჰოვას მოწმეების ადვოკატები მიუთითებენ თემის წევრების მიმართ გამოვლენილი სამართალდარღვევების კვალიფიკაციის პრობლემაზე. იმ შემთხვევებში, როდესაც ადგილი აქვს იეჰოვას მოწმეების სისტემურ და განგრძობად დევნას რელიგიური ნიშნით, საგამოძიებო ორგანოები გამოძიებას იწყებენ ცემის ან ჯანმრთელობის დაზიანების სპორადულ ფაქტებზე და გამოძიების პროცესში არ აკეთებენ მითითებას რელიგიური სიძულვილის სავარაუდო მოტივზე.

იეჰოვას მოწმეების ადვოკატების შეფასებით, ზოგიერთ შემთხვევაში დანაშაულის შესახებ ინფორმირებული პოლიციის თანამშრომლები სიძულვილის ენას იყენებენ მათი თემის წევრების მიმართ. აღნიშნულ ფაქტებზე კი გენერალური ინსპექცია, როგორც წესი, არ რეაგირებს ეფექტურად და მიუხედავად გადაცდომის დამადასტურებელი საკმარისი მტკიცებულებები არსებობსა, არ იყენებს დისციპლინარული პასუხისმგებლობის ზომებს.

იეჰოვას მოწმეემის მიმართ განხორციელებულ ძალადობის ფაქტებზე სისხლის სამართლის პასუხისგებაში მიცემული პირების მიმართ პროკურატურა, ხშირად, ლოიალობას ავლენს და აშკარად არაადეკვატური სასჯელის ზომებს იყენებს. მაგალითად, სახალხო დამცველის 2014 წლის საპარლამენტო ანგარიშის თანახამად, 2014 წელს, იეჰოვას მოწმეთა მიმართ ჩადენილ დანაშაულებზე მხოლოდ 2 შემთხვევაში დადგა გამამტყუნებელი განაჩენი. ამასთან, მათ მიმართ გამოყენებულია სასჯელის ყველაზე მსუბუქი ფორმები: ერთ შემთხვევაში, 3000-ლარიანი ჯარიმა, მეორე შემთხვევაში - 2 წლით პირობით გამოსაცდელი ვადა. [2]

სისხლის სამართლის კოდექსის 39-ე მუხლის თანახმად, სასჯელის მიზანს დანაშაულის პრევენცია წარმოადგენს. მოცემულ შემთხვევაში კი, პროკურატურის აშკარა ლმობიერი სისხლის სამართლის პოლიტიკა ვერ უზრუნველყოფს იეჰოვას მოწმეთა მიმართ განხორციელებული ძალადობის აღმოფხვრასა და შემცირებას.

ამ ფაქტების გათვალისწინებით, EMC მიიჩნევს, რომ იეჰოვას მოწმეთა უფლებების შეზღუდვის ფაქტებზე ადამიანის უფლებათა ევროპული სასამართლოს კრიტიკული გადაწყვეტილებების (გლდანის კონგრეგაციის 97 წევრი და 4 სხვა პირი საქართველოს წინააღმდეგ, ბეღელური და სხვები საქართველოს წინააღმდეგ) მიუხედავად, სახელმწიფო არ უზრუნველყოს ეფექტური პოლიტიკის გატარებას იეჰოვას მოწმეთა მიმართ გამოვლენილი შეუწყნარებლობისა და ძალადობის პრევენციისთვის. ბოლო პერიოდში კი, ამ კუთხით არსებული მდგომარეობა გაუარესებულიც არის. რელიგიის თავისუფლების შეზრუდვის ფაქტებზე სახელმწიფოს აშკარად არაეფექტური და არასეკულარული პოლიტიკა რელიგიური ძალადობის ზრდას განაპირობებს და სერიოზულ საფრთხეს უქმნის ქვეყანაში რელიგიის თავისუფლებისა და თანასწორობის დაცვას.

 

 

სქოლიო და ბიბლიოგრაფია

[1]შენიშვნა: იეჰოვას მოწმეების ქრისტიანული ორგანიზაციის განმარტებით, მათი იურისტები ყოველწიურად  ადგენენ სტატისტიკურ მონაცემებს იეჰოვას მოწმეების მიმართ განხორციელებული ძალადობის ფაქტების შესახებ, სტატისტიკურ მონაცემებში აღირიცხება ყველა ის ფაქტი, რომელთან დაკავშირებითაც მათ სამართალდამცავ სტრუქტურებს აცნობეს, ყველაზე მძიმე შემთხვევებზე კი ინფრომაციას ასევე აწვდიან სახალხო დამცველის ოფისს.

[2] http://ombudsman.ge/uploads/other/2/2439.pdf

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“