საქართველოს ხელისუფლების ბუნდოვანი საგარეო პოლიტიკა ბევრ შეკითხვას აჩენს, როგორც ქართულ საზოგადოებაში, ისე საერთაშორისო პარტნიორებში. მართალია, ოფიციალურად ქართული ოცნების ხელისუფლება, გამოსვლებსა თუ სტრატეგიულ დოკუმენტებში, გვარწმუნებს, რომ ევრო-ატლანტიკური ინტეგრაციის ერთგულია, ბოლო რამდენიმე წლის განმავლობაში მიმდინარე პროცესები, ფაქტები და ქართული ოცნების რიტორიკა საპირისპიროს მეტყველებს.

სოციალური სამართლიანობის ცენტრი გთავაზობთ დისკუსიის "საქართველოს საგარეო პოლიტიკის მითები და რეალობა" ჩანაწერს, რომელზეც მოწვეულ ექსპერტებთან ერთად განვიხილეთ, თუ რა კონკრეტული მოვლენები და ფაქტები მიგვანიშნებენ იმაზე, რომ საქართველოს ხელისუფლების საგარეო პოლიტიკა შეიცვალა, რა ლოგიკით შეიძლება ხელმძღვანელობდეს ქართული ოცნების მთავრობა საგარეო პოლიტიკის ფორმირების დროს და რა ტიპის საფრთხეებს ქმნის საქართველოს ეს ახალი საგარეო პოლიტიკა უკვე არსებული მძიმე უსაფრთხოების გარემოში.

მომხსენებლები:

• სერგი კაპანაძე, საქართველოს რეფორმების ასოციაციის თანადამფუძნებელი და გამგეობის თავმჯდომარე, ასევე, კავკასიის უნივერსიტეტისა და ილიას სახელმწიფო უნივერსიტეტის ლექტორი. ყოფილი საგარეო საქმეთა მინისტრის მოადგილე;
• ნატალია საბანაძე, მაუნტ ჰოლიოკის კოლეჯის მიწვეული პროფესორი. იგი იყო ევროკავშირში საქართველოს ელჩი 2013-2021 წლებში;
• შოთა ღვინერია, ეკონომიკური პოლიტიკის კვლევის ცენტრის უფროსი მკვლევარი და ლექტორი ბალტიისპირეთის თავდაცვის კოლეჯში, იგი იყო ეროვნული უშიშროების საბჭოს მდივნის მოადგილე, საგანგებო და სრულუფლებიანი ელჩი ნიდერლანდების სამეფოში, ასევე საქართველოს ელჩი ნატოში;
• ბაკურ კვაშილავა,პოლიტიკურ მეცნიერებათა დოქტორი,GIPA-ს სამართლისა და პოლიტიკის სკოლის დეკანი;
• შორენა ლორთქიფანიძე, თავდაცვისა და უსაფრთხოების საკითხებში სამოქალაქო საბჭოს თანადამფუძნებელი და გამგეობის წევრი;

მოდერატორი: მედეა ტურაშვილი, სოციალური სამართლიანობის ცენტრი.

გაზიარება