საერთო ცხელი ხაზი +995 577 07 05 63
თანასწორობის პოლიტიკა / მედია
თამთა მიქელაძე კანონპროექტზე "უცხოური გავლენის აგენტების" შესახებ
"ეს არის ძალიან მძიმე ტენდენცია, როდესაც სახელმწიფო იჭრება კერძო, ავტონომიური გაერთიანებების თავისუფლებაში და მათი საქმიანობის კონტროლს, რეგულირებას იწყებს. ბუნებრივია, რომ ეს ერთ-ერთი მძიმე მარკერია დემოკრატიისთვის. მაშინ, როდესაც საქართველო გადის ევროკავშირთან ინტეგრაციის ძალიან მნიშვნელოვან პროცესს ამგვარი საკითხის განხილვაც კი, არათუ მისი მხარდაჭერა, მკვეთრად აზიანებს ევროკავშირში ინტეგრაციის პროცესს, რომელიც ახლა ძალიან მნიშვნელოვან ფაზაშია შესული და რომელიც ვთანხმდებით, რომ არის ისტორიული მომენტი ჩვენთვის", - ამბობს თამთა მიქელაძე, სოციალური სამართლიანობის ცენტრი თანასწორობის პროგრამის დირექტორი კანონპროექტზე "უცხოური გავლენის აგენტების" შესახებ, რომლის მიხედვითაც ყველა მედია და არასამთავრობო ორგანიზაცია, რომელთა შემოსავლის 20%-ზე მეტი უცხოეთიდანაა, ჩაითვლება "უცხოეთის გავლენის აგენტად".