"ჩვენ შეგვიძლია ვთქვათ, რომ სტრასბურგის სასამართლომ ძირითადად გაიზიარა ის კრიტიკა, რომელიც ჩვენ მიმდინარე პროცესის მიმართ გვქონდა. ძალიან მნიშვნელოვანია ის დარღვევა, რომელიც პროცედურული ვალდებულებების ნაწილში სტრასბურგმა დაადგინა სიცოცხლის უფლების ქვეშ. აქ ისმის ძალიან მძიმე კრიტიკა გამოძიების მიმართ იქნება ეს პროკურატურა თუ სახელმწიფო უსაფრთხოების სამსახური. ევროპული სასამართლო პირველად ხაზს უსვამს იმას, რომ საქმის გამოძიების პირველ ეტაპზე, როდესაც ყველაზე მნიშვნელოვანი მტკიცებულებების ამოღება მოხდა - როგორიც არის ხელყუმბარა, ტელეფონი, დაირღვა ინსტიტუციური დამოუკიდებლობის პრინციპი და იმ ორგანომ ჩაატარა ეს მოქმედებები, რომლის ბრალეულობის საკითხი გამოძიებას უნდა შეეფასებინა", - ამბობს, თამთა მიქელაძე, სოციალური სამართლიანობის ცენტრის თანასწორობის პროგრამის დირექტორი თემირლან მაჩალიკაშვილის საქმეზე.

გაზიარება