საერთო ცხელი ხაზი +995 577 07 05 63
სოციალური პოლიტიკა / მედია
EMC სოფელ ვეძათხევის მაცხოვრებლების ინტერესებს სტრასბურგში იცავს
სოფელი ვეძათხევი მეწყრული საშიშროების მაღალი რისკის ზონაა. 2015 წელს სიცოცხლისთვის არსებული საფრთხის გამო, სახელმწიფომ სოფლიდან გაასახლა 8 ოჯახი, თუმცა, განსახლებაზე უარი უთხრა ნაბისი ზვიადაურის ერთსულიან, ასევე ვეფხვია არდოტელისა და ლია ზვიადაურის ოჯახებს.
EMC-იმ სოფელში დარჩენილი ამ პირების სახელით ადამიანის უფლებათა ევროპულ სასამართლოს მიმართა. ადამიანის უფლებების სწავლებისა და მონიტორინგის ცენტრის სოციალური უფლებების პროგრამის დირექტორი ლინა ღვინიანიძე, "პოსტსკრიპტუმის" სიუჟეტში აღნიშნავს, რომ: "სახელმწიფომ დაარღვია ორი ოჯახის, სულ სამი მოსახლის უფლება სიცოცხლეზე, პირად და ოჯახურ ცხოვრებაზე და ასევე უფლება, რომელიც გულისხმობს ეფექტურ საშუალებებზე წვდომას“.