Gürcüstanda keyfiyyətli təhsil ümumiyyətlə problemdir. Lakin, keyfiyyətli təhsilə, təhsil sisteminin hər bir pilləsində (məktəbəqədər, məktəb, peşə, ali) qeyri-dominant etnik qrupların əlçatımlılığı  daha da zəif və qeyri-bərabərdir. Məktəbəqədər təhsil pilləsində vəziyyət daha da ağırdır. Müxtəlif tədqiqatlara görə, etnik azlıqların məktəbəqədər təhsilə əlçatımlılığı  ölkə miqyasında 2.7. dəfə azdır. Bolnisi, Dmanisi və Saqareco bələdiyyələrinin heç bir azərbaycanlı kəndində məktəbəqədər müəssisə fəaliyyət göstərmir. Marneuli bələdiyyəsinin əksər kəndlərində də vəziyyət kəskindir.

Layihənin məqsədi Gürcüstanın təhsil sistemində qeyri-dominant etnik qruplar qarşısında mövcud olan bərabərsizliyi pozitiv təcrübələr  və advokatlaşdırma vasitəsi ilə azaltmaqdır.

Layihənin məqsədinə nail olmaq üçün layihə komandası bu kimi tədbirləri həyata keçirir:

1. Təhsilin bütün səviyyələrində etnik azlıqların qarşısında duran əsas problemlər, bu məsələlər üzrə işləyən həmfikir ekspertlərin iştirakı  və tərəfdaş media təşkilatların aktiv köməyi ilə, ictimaiyyət, siyasi elita və Dövlət idarələrinin gündəliyində fəal şəkildə qaldırılır.
2. Marneuli bələdiyyəsinin Xuldərə icma mərkəzində Xuldərədə yaşayan uşaqların məktəbə hazırlanmaları üçün bir illik pilot proqram həyata keçirilir.  Qeyd olunan intervensiya məktəbəqədər təhsildə mövcud olan bərabərsizlik boşluqlarını doldurmaq üçün müvəqqəti mexanizm ola bilər. Bu təşəbbüs başqa kəndlər, bələdiyyələr və Təhsil Nazirliyi üçün  nümunəyə çevrilə bilər. 

Sosial Ədalət Mərkəzi qeyd olunan layihəni yerli icma təşkilatı – Yeni Düşüncə İnstitutu ilə birlikdə həyata keçirir.

Paylaş