სოციალური სამართლიანობის ცენტრი აგრძელებს დემოკრატიული სკოლების ციკლს და საქართველოში ნიდერლანდების სამეფოს საელჩოსა და ევროკავშირის მხარდაჭერით,  მართავს “მართლმსაჯულებისა და უსაფრთხოების სკოლას”.

სკოლის მიზანია, აკადემიური და პრაქტიკული ცოდნა მიაწოდოს სკოლის მონაწილეებს ქართული მართლმსაჯულების სისტემის არქიტექტურის, განხორციელებული რეფორმებისა და დღეს არსებული გამოწვევების თაობაზე, გააცნოს ევროპული ინტეგრაციის პროცესში მართლმსაჯულების რეფორმის როლი და პერსპექტივები, ასევე გამოკვეთოს სასამართლოს მხრიდან პოლიტიკური ხელისუფლების ეფექტიანი კონტროლის მიმართულებით არსებული გამოწვევები და მათი გადაჭრის გზები.  

ღონისძიების ორგანიზების ფარგლებში, ვაცხადებთ ტენდერს სასტუმროსა და საკონფერენციო მომსახურების შესყიდვაზე.

მომსახურების სავარაუდო პერიოდი: 31 ივლისი - 4 აგვისტო.

მომსახურების შერჩევის ძირითადი კრიტერიუმები:

• მომსახურების ხარისხი;
• კონკურენტული ფასი;
• უსაფრთხო/იზოლირებული გარემო;
• მსგავსი ღონისძიებების მასპინძლობის გამოცდილება;
• ადგილმდებარეობა დედაქალაქს გარეთ.

მომსახურება უნდა მოიცავდეს:

• სასტუმროს ნომერს 30-35 ადამიანზე (ერთადგილიანი);
• საკონფერენციო დარბაზს 40 ადამიანზე (U-Shape);
• საკონფერენციო დარბაზის ტექნიკურ აღჭურვილობას: პროექტორს, ეკრანს, ლეპტოპსა და ე.წ. პრეზენტერს (პროექტორის პულტი);
• საუზმეს 4 დღის განმავლობაში, 30-35 ადამიანზე;
• ლანჩს 4 დღის განმავლობაში, 30-35 ადამიანზე;
• ვახშამს 4 დღის განმავლობაში, 30-35 ადამიანზე;
• ყავის შესვენებას 3 დღის განმავლობაში, დღეში 2-ჯერ (სულ 6), 30-35 ადამიანზე.

ფასები უნდა მოიცავდეს დღგ-ს.

გთხოვთ, თქვენი შეთავაზება, სასტუმროს ფოტოები, კვების მენიუები და სხვა თანმდევი დოკუმენტები მოგვაწოდოთ ელექტრონული ფოსტის მისამართზე - [email protected]. წერილის თემატიკაში (subject) მიუთითეთ „მართლმსაჯულებისა და უსაფრთხოების სკოლის ტენდერი“. 

• შეთავაზების გამოგზავნის საბოლოო ვადაა 28 ივნისი, 18:00.