[Skip to Content]
ENG

სიახლეების გამოწერა

სოფლის თავყრილობა ითხვისში

თუ ცხოვრობ ჭიათურაში, ან მის რომელიმე სოფელში - ითხვისში, შუქრუთში, პერევისაში, და თუ შენც გაწუხებს ის, რაც გარშემო წიაღის მოპოვების შედეგად ხდება, მოდი სოფლის შეკრებაზე 21 მაისს, 2 საათზე, სოფელ ითხვისის დარბაზში. 
 
შეხვედრა სოციალური სამართლიანობის ცენტრისა და საქართველოს ახალგაზრდა იურისტთა ასოციაციის ორგანიზებით ტარდება. ჩვენი მიზანია სოფლის მოსახლეობამ და მათმა მხარდამჭერმა უფლებადამცველმა ორგანიზაციებმა ერთად ვიმსჯელოთ სოფელში არსებულ მდგომარეობაზე და ადგილობრივთა საჭიროებების გადაჭრის სამართლებრივ გზებზე.
 
ამ დრომდე უცნობია მერიის გეგმა უსახლკაროდ დარჩენილ ოჯახებთან დაკავშირებით. მრავალ კითხვას აჩენს მუნიციპალიტეტის და გარემოს ეროვნული სააგენტოს მიერ ამ დრომდე გადადგმული ნაბიჯები: მომზადებული წინასწარი გეოლოგიური დასკვნა ზედაპირულია, შემსწავლელი კომისიის კომპეტენცია და მათი მოკვლევის ფარგლები დაუზუსტებელია, სამხარაულის სახელობის ექსპერტიზის ბიუროს ჩართულობა კი ბუნდოვანია, ისევე როგორც კომპენსაციის დაანგარიშების პროცედურა. წერილი, რომელშიც ადგილობრივი მოსახლეობა სოფლის მეურნეობისა და გარემოს დაცვის სამინისტროს შეკითხვით მიმართავს მდგომარეობის შესწავლისა და უსაფრთხოების უზრუნველსაყოფად დაგეგმილი ღონისძიებების შესახებ ამ დრომდე პასუხგაუცემელია.
 
ამ ვითარებაში მნიშვნელოვანია ადგილობრივი მოსახლეობა სრულყოფილად იცნობდეს საკუთარ უფლებებს და მათ ხელთ არსებულ სამართლებრივ ბერკეტებს.
მართლმსაჯულება და დემოკრატია / ვაკანსიები

ტენდერი რაოდენობრივი კვლევის ჩატარებაზე

სოციალური სამართლიანობის ცენტრი იწვევს გამოცდილ კვლევით ორგანიზაციებს საზოგადოებრივი განწყობების კვლევის ჩატარების მიზნით გამოცხადებულ ტენდერში მონაწილეობის მისაღებად. 

საზოგადეობრივი განწყობების კვლევის მიზანია ფართო მოსახლეობის შეხედულებების შესწავლა ნარკოტიკულ დანაშაულთან, ნარკოვითარებასთან, ნარკოტიკული საშუალებების პრობლემურ ან რეკრეაციულ მოხმარებასთან, ნარკოტიკულ დანაშაულებზე დაწესებულ სასჯელებთან და ზოგადად, ნარკოპოლიტიკასთან დაკავშირებულ რელევანტურ საკითხებზე.

შესარჩევი პროცესი გაიმართება ორ ეტაპად. შემოსული განცხადებების გადარჩევის შემდგომ, ორგანიზაცია დაუკავშირდება მეორე ტურში გადასულ ორგანიზაციებს. მეორე ტურის ეტაპზე, სოციალური სამართლიანობის ცენტრის წარმომადგენლები გაესაუბრებიან კვლევით ორგანიზაციებს კვლევის განხორციელების მეთოდების, განხორციელების გეგმისა და ვადების, ასევე კვლევის სავარაუდო კითხვარის შესახებ.

კონკურსში მონაწილეობის მისაღებად უნდა წარმოადგინოთ შემდეგი დოკუმენტები:

  • კვლევის მეთოდოლოგიის მოკლე მონახაზი;
  • მთლიანი დავალების შესრულების კონკრეტული ხედვა და კვლევის განხორციელების დროში გაწერილი სამოქმედო გეგმა;
  • დეტალური ბიუჯეტი;
  • მსგავსი პროექტების შესრულების შესახებ მოკლე ინფორმაცია. სასურველია ბოლო 3 წლის მანძილზე ჩატარებული კვლევის წარმოდგენა ბმულის ან PDF-ფაილის სახით;
  • კვლევის შედეგად მოპოვებულ მონაცემთა ანალიზში ჩართული პირების და კვლევის ხელმძღვანელის (კვლევის ძირითადი გუნდი) რეზიუმეები (CV).

პროექტისა და კვლევის შესახებ დეტალურ ინფორმაციას იხილავთ მიმაგრებულ ფაილებში. კითხვების არსებობის შემთხვევაში, დაგვიკავშირდით ელ-ფოსტის მეშვეობით, მისამართზე: [email protected].  

საკონკურსო განაცხადები უნდა გამოგზავნოთ არაუგვიანეს 2022 წლის 31 მაისისა, შემდეგ ელ-ფოსტაზე: [email protected]. არასრულად წარმოდგენილი საკონკურსო განაცხადი არ დაექვემდებარება განხილვას.

სოციალური სამართლიანობის ცენტრი დაუკავშირდება მხოლოდ შერჩეულ კანდიდატებს.

მიმაგრებული დოკუმენტები: 

ინსტრუქცია

  • საიტზე წინ მოძრაობისთვის უნდა გამოიყენოთ ღილაკი „tab“
  • უკან დასაბრუნებლად გამოიყენება ღილაკები „shift+tab“