სოციალური სამართლიანობის ცენტრი აცხადებს სტაჟირებას იურიდიული ფაკულტეტის სტუდენტებისთვის - სამოქალაქო და ადმინისტრაციული სამართლის მიმართულებით.

სტაჟიორის ძირითადი მოვალეობები

• ადამიანის უფლებათა დარღვევის ფაქტების გამოვლენის, შესწავლისა და დოკუმენტირების პროცესში მონაწილეობა;
• სამართლებრივი კონსულტაციების გაცემისა და პოტენციური საქმეების იდენტიფიცირების მიზნით, ორგანიზაციის იურისტებთან ერთად საველე გასვლებში მონაწილეობა;
• იდენტიფიცირებულ უფლებადარღვევის შემთხვევებზე ეროვნულ კანონმდებლობასა და საერთაშორისო ინსტრუმენტებზე დაყრდნობით სამართლებრივი ანალიზის მომზადების პროცესში მონაწილეობა;
• პროკურატურის, სამართალდამცავი უწყებების, სხვა ადმინისტრაციული ორგანოებისა და  საერთო სასამართლოების  წინაშე წარსადგენი საქმის მომზადების პროცესში სტრატეგიული სამართალწარმოების გუნდის მხარდაჭერა.
• სტრატეგიული სამართალწარმოების გუნდის მხარდაჭერა ბენეფიციარებთან სამართლებრივი კონსულტაციების გაცემის, ორგანიზაციის მიზნებისათვის საქმის სტრატეგიულობის იდენტიფიცირებისა და საქმის წარმოების/წარმომადგენლობებისათვის დაგეგმილ სამუშაო პროცესებში.
• ეროვნული საკანონმდებლო ჩარჩოს ადამიანის უფლებათა დაცვის საერთაშორისო სტანდარტებთან შესაბამისობის საკითხის შესწავლის პროცესში მონაწილეობა.
• სამოქალაქო-ადმინისტრაციული სამართალწარმოების მიმართულებით სამართლებრივი კვლევისა და ანალიტიკური დოკუმენტების მომზადების პროცესში მონაწილეობა.

მოთხოვნები

• უმაღლესი იურიდიული განათლება (ან ბაკალავრიატის დამამთავრებელი კურსის სტუდენტი);
• სასურველია სამეცნიერო კონფერენციებში, იმიტირებულ პროცესებში და სემინარებში/ტრენინგებში მონაწილეობის გამოცდილება;
• სასურველია კანდიდატი ფლობდეს კარგ ცოდნას და ხედვას ადამიანის უფლებათა სამართალში;
• ადამიანის უფლებებისა და თანასწორობის რწმენა;  
• ინგლისური ენის ცოდნა;
• ძირითადი საოფისე კომპიუტერული პროგრამების ცოდნა.

• ანაზღაურება: სტაჟიორის ჰონორარი შეადგენს 510 (დარიცხული);
• სტაჟირების პერიოდი: 3 თვე, 6 თვემდე გაგრძელების პერსპექტივით;
• სამუშაო განაკვეთი: არასრული, ჰიბრიდული (კვირაში ოთხი სამუშაო დღე)

განაცხადების შემოტანისა და განხილვის პროცესი

დაინტერესებულმა პირებმა დადგენილ ვადაში უნდა წარმოადგინონ ქვემოთ ჩამოთვლილი დოკუმენტები:

• შევსებული სააპლიკაციო ფორმა; 
• უმაღლესი იურიდიული განათლების დამადასტურებელი დოკუმენტის (დიპლომის) ასლი ასეთის არსებობის შემთხვევაში;

დოკუმენტაცია გამოგვიგზავნეთ შემდეგ მისამართზე: [email protected]; 

გთხოვთ, იმეილის subject ველში მიუთითოთ - სტაჟირება - სამოქალაქო და ადმინისტრაციული სამართლის მიმართულება; 

კანდიდატები შეირჩევიან კონკურსის შედეგად, წარმოდგენილი დოკუმენტაციის, გასაუბრებისა და საჭიროების შემთხვევაში, წერილობითი დავალების შესრულების საფუძველზე.

სოციალური სამართლიანობის ცენტრი დაუკავშირდება მხოლოდ შერჩეულ კანდიდატებს, რომლებიც გაივლიან კონკურსის ჩამოთვლილ ეტაპებს.

მოთხოვნილი დოკუმენტების გამოგზავნის ბოლო ვადაა 18 ივლისი, 2024 წელი.  არასრულად წარმოდგენილი დოკუმენტები არ განიხილება.

დამატებითი ინფორმაციისთვის ან კითხვების არსებობის შემთხვევაში შეგიძლიათ მოგვმართოთ:

• ელ-ფოსტა: [email protected]
• ვებგვერდი: socialjustice.org.ge
• FB: org.ge