სოციალური სამართლიანობის ცენტრი აცხადებს ვაკანსიას რეგიონალური იურისტის/კოორდინატორის პოზიციაზე.

რეგიონალური იურისტი/კოორდინატორი იმუშავებს ცენტრის თანასწორობის პროგრამაში, რომლის საქმიანობის მთავარი მიმართულებებია:

• არადომინანტური ეთნიკური ჯგუფების უფლებების დაცვა და მათ მიმართ სამართლიანი პოლიტიკური და სოციალური გარემოს მშენებლობის ხელშეწყობა;
• არადომინანტური რელიგიური ჯგუფების უფლებების დაცვა;

ძირითადი მოვალეობების აღწერა:

• რეგიონებში არსებული საჭიროებების, წუხილების და გამოწვევების კვლევა და შესწავლა
• საველე სამუშაოების ჩატარება ადამიანის უფლებების დარღვევის ფაქტების იდენტიფიცირების მიზნით;
• ადგილობრივი მოსახლეობის თვითორგანიზების მხარდაჭერა
• რეგიონებში (ქვემო ქართლი, კახეთი, ჯავახეთი) ბენეფიციარებისთვის ზეპირი და წერილობითი კონსულტაციის გაწევა და საჭიროების შემთხვევაში, სამართლებრივი დოკუმენტების მომზადება;
• ადგილობრივ საქმეებზე განცხადებებისა და საჩივრების მომზადება და საქმის წარმოება ადმინისტრაციული ორგანოების წინაშე, რაც მათ შორის, მოიცავს საქმეზე წარმომადგენლობითი უფლებამოსილების განხორციელებას, საქმის პროგრესის ხელმძღვანელობას;
• საქმიანობის სფეროში ანალიტიკური სამართლებრივი დოკუმენტების, მათ შორის, ანგარიშების, კვლევების, საკანონმდებლო ინიციატივებთან დაკავშირებით ორგანიზაციის შეფასებების მომზადებაში მხარდაჭერა;
• სახელმწიფო უწყებებთან, საერთაშორისო ორგანიზაციებთან, არასამთავრობო ორგანიზაციებსა და სხვა აქტორებთან გამართულ ოფიციალურ შეხვედრებში მონაწილეობა, საქმიანობის სფეროსა და  წარმოებაში არსებულ საქმეებთან დაკავშირებით;
• საქმიანობის სფეროსა და  წარმოებაში არსებულ საქმეებთან დაკავშირებით საჯარო განცხადებების, სამართლებრივი მოსაზრებების მომზადება და ადგილობრივ და ცენტრალურ მედიასთან კომუნიკაცია;
• ხელმძღვანელის სხვა დავალებების შესრულება, რომელიც დაკავშირებულია მისი საქმიანობის სფეროსთან.

მოთხოვნები:

• უმაღლესი იურიდიული განათლება (სასურველია მაგისტრის ხარისხი საჯარო ან კერძო სამართლის მიმართულებით);
• სამოქალაქო სამართლის ან საერთო მიმართულების ადვოკატის მოწმობა (სასურველია);
• ადამიანის უფლებების, სამართლიანობის და თანასწორობის იდეების რწმენა;
• სასურველია კანდიდატი ფლობდეს კარგ ცოდნას და ხედვას ადამიანის უფლებათა სამართალში, რომელიც ადამიანის უფლებების სტანდარტების გათვალისწინებით, ეროვნულ დონეზე საქმეების ეფექტიანი წარმოების შესაძლებლობას მისცემს.

უნარ-ჩვევები:

• ანალიტიკური აზროვნება;
• სამართლებრივი დოკუმენტების მომზადება/წერა;
• სამუშაო პროცესის სათანადო დაგეგმარება და ორგანიზება;
• პროაქტიული ხედვები და ინიციატივები;
• კომუნიკაცია სამიზნე ჯგუფებთან, პარტნიორებთან, სახელმწიფოს უწყებების წარმომადგენლებთან, მედიასთან და სხვა აქტორებთან;
• პრობლემის გადაჭრა და კრიზისის მართვა;
• კოლექტიური მუშაობა.
• ინგლისური ენის სამუშაო დონეზე ცოდნა;
• MS Office კარგ დონეზე ცოდნა.

განაცხადების შემოტანისა და განხილვის პროცესი:

• დაინტერესებულმა პირებმა დადგენილ ვადაში უნდა წარმოადგინონ ქვემოთ ჩამოთვლილი დოკუმენტები:
• შევსებული სააპლიკაციო ფორმა;
• უმაღლესი იურიდიული განათლების დამადასტურებელი დოკუმენტის (დიპლომის) ასლი;
• ადვოკატის მოწმობის ასლი (სასურველია).
• დოკუმენტაცია გამოგვიგზავნეთ შემდეგ მისამართზე: [email protected];

გთხოვთ, იმეილის subject ველში მიუთითოთ რეგიონალური იურისტი/კოორდინატორი.

კანდიდატები შეირჩევიან კონკურსის შედეგად, წარმოდგენილი დოკუმენტაციის, გასაუბრებისა და წერილობითი დავალების შესრულების საფუძველზე. სოციალური სამართლიანობის ცენტრი დაუკავშირდება მხოლოდ შერჩეულ კანდიდატებს, რომლებიც გაივლიან კონკურსის შემდეგ ეტაპებს. 

საბუთების წარმოდგენის ბოლო ვადაა  9 ოქტომბერი.  არასრულად წარმოდგენილი დოკუმენტები არ განიხილება.

დამატებითი ინფორმაციისთვის ან კითხვების არსებობის შემთხვევაში შეგიძლიათ მოგვმართოთ:

• ელ-ფოსტა: [email protected]
• ვებგვერდი: socialjustice.org.ge 
• FB: socialjustice.org.ge