სოციალური სამართლიანობის ცენტრი, ღია საზოგადოების ფონდის (OSGF) მიერ დაფინანსებული პროექტის - “ღირსეული შრომის ანაზღაურებისა და ხელმისაწვდომი საცხოვრისის ადვოკატირება”  - ფარგლებში, აცხადებს კონკურსს რაოდენობრივი მკვლევრის პოზიციაზე.

რაოდენობრივი მკვლევარის სამუშაო ფოკუსირებული იქნება ხელმისაწვდომი საცხოვრისისა და საბინაო ფონდის მობილიზების საკითხებზე, მათ შორის, ხელმისაწვდომი საცხოვრისის მექანიზმის დანერგვის პროცესში ფინანსების ალოკაციაზე, საბინაო ფონდის მობილიზების პროცესში საქართველოს კონტექსტისთვის ადეკვატურ ეკონომიკურ გათვლებსა და ფინანსების შესაბამისად ზემოაღნიშნული პროგრამების დანერგვის სავარაუდო მასშტაბებზე.

ძირითადი მოვალეობების აღწერა:

• იურისტ-მკვლევართან ერთად კვლევის მეთოდოლოგიის შემუშავება;
• იურისტ-მკვლევართან ერთად ხელმისაწვდომი საცხოვრისის/საბინაო ფონდის შექმნასთან დაკავშირებით რელევანტური საერთაშორისო პრაქტიკისა და ადგილობრივი კონტექსტის სამაგიდო კვლევა;
• ინტერვიუების ჩატარება სახელმწიფო უწყებებთან და პროფესიული წრეების წარმომადგენლებთან (მათ შორის, საჭიროების შემთხვევაში, საველე ვიზიტის ფარგლებში);
• კვლევის პროცესში მიღებული ინფორმაციის დამუშავება და იურისტ-მკვლევართან ერთად კვლევის დოკუმენტის შემუშავება.

სამუშაოს ხანგრძლივობა: 2022 წლის ივლისი - აგვისტო

ანაზღაურება: შესრულებული სამუშაოსთვის სრული ანაზღაურება შეადგენს 3 000 ლარს, რაც მოიცავს საქართველოს კანონმდებლობით გათვალისწინებულ გადასახადებს.

მოთხოვნები:

• უმაღლესი განათლება ეკონომიკის, სოციალური მეცნიერებების ან/და განვითარების მეცნიერებების მიმართულებით (სასურველია მაგისტრის ხარისხი);
• პროფესიით მუშაობის მინიმუმ 1 წლიანი გამოცდილება (სასურველია მკვლევრის პოზიციაზე მუშაობის გამოცდილება);
• რაოდენობრივ მონაცემებთან მუშაობის გამოცდილება და რაოდენობრივი მონაცემების ანალიზის უნარები;
• სოციალური სამართლიანობის, თანასწორობისა და ადამიანის უფლებების რწმენა;
• შრომის დისციპლინა, სამუშაოს დამოუკიდებლად დაგეგმვისა და გუნდური მუშაობის უნარი.

სასურველია, კანდიდატი ფლობდეს ინფორმაციას სოციალური უფლებების დაცვისა და საცხოვრისის გარანტირების კუთხით არსებულ მდგომარეობაზე.

განაცხადების შემოტანისა და განხილვის პროცესი:

დაინტერესებულმა პირებმა დადგენილ ვადაში უნდა წარმოადგინონ ქვემოთ ჩამოთვლილი დოკუმენტები:

• შევსებული სააპლიკაციო ფორმა;
• უმაღლესი განათლების დამადასტურებელი დოკუმენტის (დიპლომის) ასლი.

დოკუმენტაცია გამოგვიგზავნეთ შემდეგ მისამართზე: [email protected].

გთხოვთ, იმეილის subject ველში მიუთითოთ - რაოდენობრივი მკვლევარი

• კანდიდატები შეირჩევიან კონკურსის შედეგად, წარმოდგენილი დოკუმენტაციის გადარჩევისა და გასაუბრების საფუძველზე.
• სოციალური სამართლიანობის ცენტრი დაუკავშირდება მხოლოდ შერჩეულ კანდიდატებს, რომლებიც გაივლიან კონკურსის ჩამოთვლილ ეტაპებს.
• მოთხოვნილი დოკუმენტების გამოგზავნის ბოლო ვადაა 23 ივნისი. არასრულად წარმოდგენილი დოკუმენტები არ განიხილება.

დამატებითი ინფორმაციისთვის ან კითხვების არსებობის შემთხვევაში შეგიძლიათ მოგვმართოთ:

• ელ-ფოსტა: [email protected]
• ვებგვერდი: socialjustice.org.ge 
• FB: socialjustice.org.ge