კონცეფცია

სოციალური სამართლიანობის ცენტრი აგრძელებს დემოკრატიული სკოლების ციკლს და აანონსებს მიღებას “მართლმსაჯულებისა და უსაფრთხოების სკოლაში”.

სკოლის მიზანია, აკადემიური და პრაქტიკული ცოდნა მიაწოდოს მონაწილეებს ქართული მართლმსაჯულების სისტემის არქიტექტურის, განხორციელებული რეფორმებისა და არსებული გამოწვევების თაობაზე, გააცნოს ევროინტეგრაციის პროცესში სასამართლო რეფორმის როლი, გამოკვეთოს სხვა სახელისუფლებო შტოების ეფექტიანი კონტროლის გამოწვევები და მათი გადაჭრის გზები.

ჩვენი სურვილია, დემოკრატიის სკოლების მონაწილეებთან ერთობლივი თანამშრომლობითი ფორმატებისა და საინფორმაციო სივრცეების შექმნა და შენარჩუნება. შესაბამისად, სკოლის 3 წარმატებული კურსდამთავრებული, ანაზღაურებადი სტაჟირების ფარგლებში, მონაწილეობას მიიღებს სოციალური სამართლიანობის ცენტრის თემატურ კვლევით საქმიანობაში.

ტექნიკური ინფორმაცია

• სავარაუდო პერიოდი: 31 ივლისი - 4 აგვისტო, 2024
• სავარაუდო ადგილმდებარეობა: თბილისს გარეთ.
• ხანგრძლივობა: 4 ღამე, 5 დღე.

სკოლაში მონაწილეობა შეუძლიათ: სამოქალაქო აქტივისტებს, რეგიონული და სათემო ორგანიზაციების წევრებს, მართლმსაჯულების, დემოკრატიისა და უსაფრთხოების საკითხებით დაინტერესებულ მკვლევარებს, სამართალმცოდნეობისა და სოციალურ მეცნიერებათა ბაკალავრის დამამთავრებელი კურსისა და მაგისტრატურის სტუდენტებს, რომლებიც ამ საკითხებით არიან დაინტერესებულნი.

კონკურსის წესი: 2-ეტაპიანი, განაცხადების მიღება და წარმატებულ კანდიდატებთან გასაუბრება.

განაცხადის ფორმა

განაცხადის შემოტანა შესაძლებელია 2024 წლის 27 ივნისის ჩათვლით.

მართლმსაჯულებისა და უსაფრთხოების სკოლის თემატიკა

• ქართული მართლმსაჯულების ისტორია, ადგილი და მნიშვნელობა კონსტიტუციურ-სამართლებრივ სისტემაში;
• მართლმსაჯულების რეფორმა და მისი გამოწვევები ევროპული ინტეგრაციის პროცესში;
• საკონსტიტუციო კონტროლის მნიშვნელობა არსებულ პოლიტიკურ რეალობაში;
• პროკურატურის როლი მართლმსაჯულების სისტემაში;
• უსაფრთხოების სექტორზე სასამართლო კონტროლი და მისი გამოწვევები;
• სასამართლოს როლი სამოქალაქო და სოციალური უფლებების დაცვაში;
• სამოსამართლო აქტივიზმი.

მართლმსაჯულებისა და უსაფრთხოების სკოლა იმართება საქართველოში ნიდერლანდების სამეფოს საელჩოსა და ევროკავშირის მხარდაჭერით.