ინეზა სოციალური სამართლიანობის ცენტრის გუნდს 2023 წლის იანვრიდან შემოუერთდა .ის მუშაობს რეგიონალური იურისტის პოზიციაზე და უზრუნველყოფს პროგრამის სამუშაო თემებთან კავშირში რეგიონ(ებ)ში ორგანიზაციის წარმომადგენლობასა და ამ მიზნით ადგილზე მცხოვრები სხვადასხვა სოციალური ჯგუფის/თემის უფლებრივი და სოციალური მდგომარეობის შესწავლას, დოკუმენტირებას და შესაბამისი შეფასებითი და სხვა სახის ანალიტიკური დოკუმენტების მომზადებას.
ამასთან, ის პასუხისმგებელია ადგილზე მოქმედ აქტორებთან და სოციალურ ჯგუფებთან მუდმივ კომუნიკაციასა და სანდო თანამშრომლობითი პრაქტიკების შექმნაზე. ინეზა ასევე უზრუნველყოფს იურიდიული კლინიკებისა და კონსულტირების სხვა ფორმების მეშვეობით სოციალური ჯგუფების სამართლებრივ მხარდაჭერას. ამასთან, რეგიონში მიმდინარე პოლიტიკური და სოციალური პროცესების/პრაქტიკებისა და თემში გამოვლენილი წუხილებისა და გამოწვევების გათვალისწინებით, საჭიროების შემთხვევაში, მონაწილეობს თემისათვის მნიშვნელოვანი საკითხების აქტუალიზებისა და ადვოკატირების პროცესში, მათ შორის, ადგილობრივი ხელისუფლების წინაშე.
პროფესიული გამოცდილება
2019-2022: ადვოკატი - საქართველოს ახალგაზრდა იურისტთა ასოციაცია (საია).
2016-2019: იურისტი - საქართველოს ახალგაზრდა იურისტთა ასოციაცია (საია).
განათლება
2014-2018: იურიდიული- ბაკალავრი, შოთა მესხია ზუგდიდის სახელმწიფო სასწავლო უნივერსიტეტი.