საერთო ცხელი ხაზი +995 577 07 05 63
JUDICIARY AND DEMOCRACY /
Vacancies
სტრატეგიული სამართალწარმოების იურისტის ასისტენტი
სოციალური სამართლიანობის ცენტრი (ყოფილი EMC) აცხადებს ვაკანსიას სტრატეგიული სამართალწარმოების იურისტის ასისტენტის პოზიციაზე.
პოზიციის მიზანი
ასისტენტ-მკვლევარი სტრატეგიული სამართალწარმოების მიმართულებით უზრუნველყოფს ორგანიზაციის სამუშაო თემებიდან და სტრატეგიული სამართალწარმოების ამოცანებიდან გამომდინარე დაგეგმილი სამართალწარმოების მხარდაჭერას. კერძოდ, ასისტენტ-მკვლევარი საქართველოს საკონსტიტუციო სასამართლოს, ადამიანის უფლებათა ევროპული სასამართლოსა და რელევანტური საერთაშორისო და რეგიონული მექანიზმების წინაშე საქმის სტრატეგიულობის/რელევანტურობის იდენტიფიცირებისა და საქმის სათანადო მომზადების მიზნით მონაწილეობს როგორც კვლევით ასევე უშუალოდ განაცხადის მომზადებისა და წარმოების პროცესში.
ძირითადი მოვალეობების აღწერა
- ორგანიზაციის სამუშაო თემების, სტრატეგიული სამართალწარმოების ამოცანებისა და ორგანიზაციაში მიმდინარე საქმეების გათვალისწინებით, უზრუნველყოფს სტრატეგიული სამართალწარმოებისათვის შესაბამისი საქმის რელევანტურობის/შესაბამისობის შესწავლის პროცესის მხარდაჭერას მათ შორის, სათანადო კვლევის საშუალებით;
- მონაწილეობს საქმის მომზადების პროცესში საქართველოს საკონსტიტუციო სასამართლოს, ადამიანის უფლებათა ევროპული სასამართლოსა და რელევანტური საერთაშორისო და რეგიონული მექანიზმების წინაშე წარსადგენად.
- საჭიროების შემთხვევაში, სტრატეგიული სამართლწარმოების ადვოკატთან ერთად მონაწილეობს ბენეფიციარებთან სამართლებრივი კონსულტაციების გაცემის, ორგანიზაციის მიზნებისათვის საქმის სტრატეგიულობის იდენტიფიცირებისა და საქმის წარმოების/წარმომადგენლოებისათვის დაგეგმილ სამუშაო პროცესებში.
- შესაბამისი სტრატეგიული საქმეების ადვოკატირების მიზნით, საჭიროების შემთხვევაში, ამზადებს შეფასებებს, განცხადებებს, საჯარო მიმართვებს, გამოხმაურებებს და სხვა ანალიტიკურ დოკუმენტებს.
მოთხოვნები
- უმაღლესი იურიდიული განათლება; სასურველია მაგისტრის ხარისხი კონსტიტუციური სამართლის ან/და ადამიანის უფლებათა სამართლის მიმართულებით;
- სასურველია, საკონსტიტუციო სასამართლოსა და საერთაშორისო მექანიზმების წინაშე საქმისწარმოების ან ადამიანის უფლებათა მკვლევარის გამოცდილება.
- ინგლისური ენის მაღალ დონეზე ფლობა;
- სოციალური სამართლიანობის, თანასწორობისა და ადამიანის უფლებების რწმენა;
- სამუშაოს დამოუკიდებლად დაგეგმვისა და გუნდური მუშაობის უნარი.
განაცხადების შემოტანისა და განხილვის პროცესი
დაინტერესებულმა პირებმა დადგენილ ვადაში უნდა წარმოადგინონ ქვემოთ ჩამოთვლილი დოკუმენტები:
- შევსებული სააპლიკაციო ფორმა;
- უმაღლესი იურიდიული განათლების დამადასტურებელი დოკუმენტის (დიპლომის) ასლი;
დოკუმენტაცია გამოგვიგზავნეთ შემდეგ მისამართზე: [email protected];
გთხოვთ, იმეილის subject ველში მიუთითოთ - ასისტენტ-მკვლევარი.
კანდიდატები შეირჩევიან კონკურსის შედეგად, წარმოდგენილი დოკუმენტაციის, გასაუბრებისა და წერილობითი დავალების შესრულების საფუძველზე.
სოციალური სამართლიანობის ცენტრი დაუკავშირდება მხოლოდ შერჩეულ კანდიდატებს, რომლებიც გაივლიან კონკურსის ჩამოთვლილ ეტაპებს.
მოთხოვნილი დოკუმენტების გამოგზავნის ბოლო ვადაა 7 აპრილი, 2022 წელი. არასრულად წარმოდგენილი დოკუმენტები არ განიხილება.
დამატებითი ინფორმაციისთვის ან კითხვების არსებობის შემთხვევაში შეგიძლიათ მოგვმართოთ:
- ელ-ფოსტა: [email protected]
- ვებგვერდი: socialjustice.org.ge
- FB: socialjustice.org.ge